Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 4:1| Пейгъамберлернинъ шегиртлери бирисининъ къадыны агълап, Эль-Ясагъа: — Сенинъ къулунъ олгъан меним акъайым ольди. Сен билесинъ ки, къулунъ РАББИден къоркъкъан бир инсан эди. Шимди исе онъа борджкъа берген бириси кельди де, борджу ерине эки баламны къуллукъкъа алып кетеджек ола, — деди.
-
|2 Reyes 4:2| Эль-Яса онъа: — Мен санъа насыл ярдым этейим? Айтчы, эвинъде нелер бар? — деп сорады. Къадын онъа: — Эвимде бир кичик савут зейтюн ягъындан гъайры бир шейим ёкъ, — деди.
-
|2 Reyes 4:3| Эль-Яса: — Бар, эр ерден савут сора, бутюн къомшуларынъдан чокъча бош савут топла.
-
|2 Reyes 4:4| Сонъра эвинъе кирип, озюнъ ве огъулларынъ артындан къапуны яхшы къапат да, шу савутларнынъ эписине зейтюн ягъыны тёк, толуларыны исе четке къой, — деди.
-
|2 Reyes 4:5| Къадын ондан кетип, озю ве огъулларынынъ артындан къапуны къапатты. Огъуллары онъа савутлар бере эдилер, о исе оларны толдура эди.
-
|2 Reyes 4:6| Савутлар толгъан сонъ, къадын огълундан даа савут сорады. Огълу: «Башкъа савут къалмады», — деди. Бундан сонъ зейтюн ягъынынъ тёкюлюви токътады.
-
|2 Reyes 4:7| Сонъ къадын Алланынъ адамына келип, бутюн бу шейлерни айтып берди. О исе: — Бар, зейтюн ягъыны сат да, борджунъ олгъан адамгъа борджунъны къайтар. Къалгъан парагъа исе огъулларынънен берабер кечинирсинъиз, — деди.
-
|2 Reyes 4:8| Бир кунь Эль-Яса Шунем шеэрине кельди. Анда яшагъан бир зенгин къадын оны отьмек ашамагъа чагъыра берди. Шунынъ ичюн Эль-Яса Шунемге не вакъыт кельмесин, шу къадынгъа ашамагъа кире эди.
-
|2 Reyes 4:9| Къадын акъайына: — Мен билем ки, эр вакъыт бизим янымыздан кечкен Алланынъ адамы — эвлиядыр.
-
|2 Reyes 4:10| Айды, онъа эвимизнинъ тёпесинде бир одачыкъ къурайыкъ. Анда тёшек, бир маса, отургъыч ве къандиль къояйыкъ. Бизге кельгенде, анда кирсин, — деди.
