Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 4:11| Куньлерден биринде Эль-Яса анда келип, одачыкънынъ ичине кирип ятты.
-
|2 Reyes 4:12| О, хызметчиси олгъан Гехазийге: — Бар, шу шунамлы къадынны чагъыр, — деди. Хызметчиси къадынны чагъырып кельди. О келип, огюнде турды.
-
|2 Reyes 4:13| Эль-Яса хызметчисине: — Айт онъа: «Сен бизге буюк урьмет косьтердинъ. Сенинъ ичюн не япайыкъ? Бельки сенинъ акъкъынъда падишанен я да орду башынен лакъырды этмек керектир?» — деди. Къадын исе: — Ёкъ, мен озюм халкъым арасында раат яшайым, — деди.
-
|2 Reyes 4:14| Эль-Яса: — Онъа не япайыкъ экен? — деди. — Иште, онынъ огълу ёкъ, акъайы исе къарт, — деди Гехазий.
-
|2 Reyes 4:15| Эль-Яса хызметчисине оны якъынджа чагъырмагъа буюрды. О чагъырып кельди. Къадын келип, къапунынъ огюнде турды.
-
|2 Reyes 4:16| Эль-Яса онъа: — Бир йыл кечкен сонъ, тамам шу вакъытта сен къолунъда огълунъны тутаджакъсынъ, — деди. Къадын исе: — Ёкъ, эфендим! Алланынъ адамы, мени, къулунъны, алдатма! — деди.
-
|2 Reyes 4:17| Бираз вакъыт кечкен сонъ, къадын агъыраякълы олды ве, Эль-Яса онъа айткъаны киби, бир йыл кечкен сонъ, тамам шу вакъытта огълан догъды.
-
|2 Reyes 4:18| Бала осьти ве куньлернинъ биринде бабасына, оракъчыларгъа кельди.
-
|2 Reyes 4:19| Бабасына: — Вай, башым! Вай, башым! — деди. Бабасы хызметчисине: — Оны анасына алып кет, — деди.
-
|2 Reyes 4:20| О, баланы анасына алып кетирди. Бала анасынынъ тизлеринде уйлеге къадар отурды, ондан сонъ ольди.
