Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
МагӀарул мацӀ 
-
|Marcos 12:1| Мисал бачун, гьезие гьадинаб хабар бицине байбихьана ГІисаца: - Цо чияс, цІолбол ахги гьабун, сверун чали къан буго, чагъир жаниб цІцІуйзе чаналъе гвендги бухъун буго, хъаравуласе борхатаб хъощги бан буго. Цинги ахихъабазухъе ижараялъе гьеб ахги кьун, гьев къватІиве ун вуго.
-
|Marcos 12:2| ЦІибил барщараб мехалъ, гьес дол ижарачагІазухъе цо рагьтІател витІун вуго жиндие кколеб бутІа босизе.
-
|Marcos 12:3| Доз кквезеги ккун гьев рагьтІател вухун вуго ва чІового нахъе хъамун вуго.
-
|Marcos 12:4| Гьанже ахил бетІергьанас цоги рагьтІател витІун вуго. Гьесулги бетІер лъукъун буго, инжит-хІакъир гьавун вуго.
-
|Marcos 12:5| Нахъеги витІун вуго цоги батІияв. Гьевги доз чІван рехун вуго. ГІемерал цогидалги ритІун руго. Гьелги доз цоял рухун, цогидал чІван руго.
-
|Marcos 12:6| Цинги гьесул хутІун вуго гьениве витІизе цохІо чи - гьесие вокьулев вас. Ахирги гьев витІун вуго ахил бетІергьанас, жиндир васасулгІаги хІурмат гьабилародайилан абун.
-
|Marcos 12:7| Амма ижарачагІаз цоцазда абун буго: «Гьале гурищ ирсилав. РачІа гьав чІвазе, - ирсги нилъеего хутІила».
-
|Marcos 12:8| Кквезеги ккун, чІвала гьез гьев, гьесул жаназаги ахикьа къватІибе рехула.
-
|Marcos 12:9| Гьанже щиб гьабилеб дов ахил бетІергьанас? ВачІинеги вачІун, чІвала гьес гьел, ахги цогидазухъе ижараялъе кьела.
-
|Marcos 12:10| Унго нужеца киданиги ТІехьалда цІалунгойищ букІинчІеб гьадинаб калима: «Къадалъ лъезецин ярагьунарилан къадахъабаз нахъе рехараб гамачІ битІахъе цололъ лъун буго.
