Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
МагӀарул мацӀ 
-
|Marcos 11:1| Гьел Иерусалималде щолел рукІана. Зайтуналъул магІарда аскІор ругел Бетфагиялде ва Бетаниялде гІагарлъидал, кІиго муридги аскІове ахІун,
-
|Marcos 11:2| ГІисаца гьезда абуна: - Гьудуб нилъеда цебе бугеб росулъе а нуж. Росулъе лъугьаралго, цо бакІалда бухьун батила жеги чи тІад рекІинчІеб кІудияб кІерт. Рухьадасаги бичун, гьебги бачун рачІа.
-
|Marcos 11:3| Нужеца гьабулеб щибилан гьикъулев чи ккани, гьесда абе нижер ТІадегІанав ГІисае къваригІун бугин гьеб; кватІичІого нахъе биччазе бугиланги абе.
-
|Marcos 11:4| -
-
|Marcos 11:5| Гьел ана. Гьениб гьезда батана къотІноб цо чиясул кавуялда бухьараб кІудияб кІерт. Рухьадаса гьеб бичулел рукІаго, гьенир рахъун чІун рукІарал гІадамаз гьикъана: - Нужеца гьабулеб щиб? Щай нужеца гьеб кІерт рухьадаса бичулеб?
-
|Marcos 11:6| ГІисаца малъухъе кьуна муридаз гьезие жаваб. Цинги доз гьалги риччан тана.
-
|Marcos 11:7| КІерт ГІисахъе бачун бачІана. Гьелъул гьодиде рехана гьез жидерго партал, ва ГІисаги гьелда тІад рекІана.
-
|Marcos 11:8| ГІемерисез, тІаса бахъун ретІел букІана нухда тІибитІулеб. Цогидаз абуни, магъилъ ругел гъутІбуздаса къотІун, гІурччинал гІаркьалаби рукІана гьесда цере тІиритІулел.
-
|Marcos 11:9| Гьесда цере-цере унезги хадур рачІунезги турки ахІулеб букІана: - Гьошанна! БетІергьанасул къудраталдалъун витІун вачІунев вугесда баркат лъеги!
-
|Marcos 11:10| ТІаде гІунтІулеб бугеб нилъер эмен Давудил ПарччахІлъиялда баркат лъеги! Гьошанна! ТІадегІанав Аллагьасе рецц!
