Tua Palavra

₆₁

|Juan 6:61| Иса ичинде шегиртлерининъ мырылдагъаныны билип: — Сёзлерим сизни ёлдан урамы?

₆₂

|Juan 6:62| Я Инсан Огълунынъ эвель олгъан ерине котерильгенини корьсенъиз, не оладжакъ?

₆₃

|Juan 6:63| Рух аятны багъышлай, беден исе ич бир файда кетиралмай. Меним сизге айткъан сёзлерим — Рух ве аяттыр.

₆₄

|Juan 6:64| Лякин аранъызда имансыз къалгъанлар да бар, — деди. Ким имансыз олгъанларыны ве ким Оны сатаджагъыны Иса башындан биле эди.

₆₅

|Juan 6:65| — Шунынъ ичюн де Мен: «Бабам ёл бермесе, ич кимсе Манъа келип оламаз», — дегеним, — деди О.

₆₆

|Juan 6:66| Бундан сонъ чокъ шегиртлери арткъа къайтты ве энди Исанынъ пешинден юрмей эдилер.

₆₇

|Juan 6:67| Иса он эки шегиртинден: — Сиз де кетмеге истейсизми? — деп сорады.

₆₈

|Juan 6:68| — Рабби, — деди Симон Пётр. — Биз кимге барайыкъ? Сенде эбедий аятнынъ сёзлери бар.

₆₉

|Juan 6:69| Биз инандыкъ ве бильдик ки, Сен — Алланынъ Азизи оласынъ.

₇₀

|Juan 6:70| Иса оларгъа деди: — Сизни он эки этип сайлагъан Озюм дегильми? Лякин аранъыздан бири — Шейтандыр.