Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Juan 13:1| Песах Байрамындан эвель Иса бу дюньядан Бабанынъ янына кетмек вакъты кельгенини биле эди. О, бу дюньяда Озюнъкилерни севген эди ве шимди оларны сонъунадже севди.
-
|Juan 13:2| Акъшамлыкъ ашы вакъты эди. Шейтан энди Симон Искариот огълу Иуданынъ юрегине Исаны сатмакъ ниетини къойгъан эди.
-
|Juan 13:3| Баба эр шейни Исанынъ къолуна бергенини, Алладан чыкъып, кене Алланынъ янына къайтаяткъаныны билип,
-
|Juan 13:4| Иса софра башындан турды, усть урбасыны чыкъарды, бир эльбез алды да, белине багълады.
-
|Juan 13:5| Легенге сув къойып, шегиртлерининъ аякъларыны юва, белине багълагъан эльбезнен сюртип къурута башлады.
-
|Juan 13:6| Симон Пётрнынъ янына кельгенде: — Рабби! Сен меним аякъларымны ювмагъа истейсинъми?! — деди Пётр.
-
|Juan 13:7| — Не япкъанымны шимди анъламайсынъ. Сонъ анълайджакъсынъ, — деди Иса онъа джевап берип.
-
|Juan 13:8| — Меним аякъларымны ич бир вакъыт ювмайджакъсынъ! — деди Пётр. — Эгер ювмасам, Меннен бирликте пайынъ олмайджакъ, — деди Иса.
-
|Juan 13:9| О вакъыт Симон Пётр: — Рабби, тек аякъларымны дегиль, къолларымны, башымны да юв! — деди.
-
|Juan 13:10| Иса онъа: — Ювулгъан адам бутюнлей темиз, онынъ тек аякъларыны ювмакъ керек. Сиз темизсиз, амма эпинъиз дегиль, — деди.
