Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Juan 2:1| Учюнджи куню Галилеянынъ Кана шеэрчигинде никях тою олды. О ерде Исанынъ анасы бар эди.
-
|Juan 2:2| Тойгъа Иса шегиртлеринен де чагъырылгъан эдилер.
-
|Juan 2:3| Шарап биткен сонъ, Исанынъ анасы Онъа: — Оларда шарап къалмагъан, — деди.
-
|Juan 2:4| Иса онъа: — Къадын, бу бизим ишимиз дегиль. Меним вакъыт-саатим даа кельмеди, — деди.
-
|Juan 2:5| О вакъыт анасы хызметчилерге: — О, сизге не айтса, оны япынъыз, — деди.
-
|Juan 2:6| О ерде еудийлернинъ элялланув адети ичюн, эр бири дёрт-алты буюк къопкъа 3 сув сыгъдыргъан алты дане таш савут бар эди.
-
|Juan 2:7| Иса хызметчилерге: — Савутларны сувгъа толдурынъыз, — деди. Олар савутларны четлеринедже толдурдылар.
-
|Juan 2:8| Сонъ Иса оларгъа: — Энди чомучлап алынъыз да, тойбашына алып барынъыз, — деди. Олар ойле де япты.
-
|Juan 2:9| Тойбашы шарап олгъан сувны ичип бакъты. Шарап къайдан кельгенини о бильмей эди, тек сувны чекип кельген хызметчилер биле эди. Тойбашы киевни чагъырып, онъа:
-
|Juan 2:10| — Эр кес башта яхшы шарапны къоя, мусафирлер ичип тойгъан сонъ, ярамайджа союны бере. Сен исе яхшы шарапны шу вакъыткъадже сакълап туткъансынъ! — деди.
