Tua Palavra

|Juan 7:1| Бундан сонъ Иса Галилея топрагъында юре эди. Еудие топрагъына бармагъа истемей эди, чюнки еудийлер Оны ольдюрмеге чаресини къыдыра эдилер.

|Juan 7:2| Еудийлернинъ Чалашлар Байрамы якъынлаша эди.

|Juan 7:3| Исанынъ къардашлары Онъа: — Бу ерден чыкъып, Еудиеге бар, шегиртлеринъ япкъан ишлеринъни корьсюнлер.

|Juan 7:4| Белли олмагъа истеген ич бир адам гизли ишлер япып юрмей! Сен бу ишлерни япсанъ, Озюнъни дюньягъа косьтер, — дедилер.

|Juan 7:5| Къардашлары биле Онъа инанмай эдилер.

|Juan 7:6| Иса оларгъа шойле деди: — Меним вакътым даа кельмеди. Лякин сиз ичюн эр вакъыт келише.

|Juan 7:7| Дюнья сизден нефретленип оламай, лякин Мени кореджек козю ёкъ, чюнки Мен онъа къаршы ве онынъ ишлери яман олгъанына шаатлыкъ этем.

|Juan 7:8| Сиз озюнъиз байрамгъа барынъыз. Мен бу байрамгъа бармайым, чюнки Меним вакътым даа кельмеди.

|Juan 7:9| Шу сёзлерни айтып, Иса Галилеяда къалды.

₁₀

|Juan 7:10| Исанынъ къардашлары байрамгъа кеткен сонъ, О, Озю де анда барды. Амма ачыкъ дегиль, гизленип барды.