Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Juan 13:21| Бу сёзлерни айткъан сонъ, Исанынъ джаны пек сыкъылды. Энди ачыкътан-ачыкъ айтып башлады: — Сизге керчектен догърусыны айтам: Мени сизден биринъиз сатаджакъ.
-
|Juan 13:22| Шегиртлери исе, О, ким акъкъында айткъаныны бильмейип, шашкъынлыкънен бир-бирине бакъып тура эдилер.
-
|Juan 13:23| Олардан бири Исанынъ янында ята эди. Иса оны пек севе эди.
-
|Juan 13:24| Симон Пётр онъа, Иса ким акъкъында айткъаныны сораса, деп ишмар этти.
-
|Juan 13:25| О, Исанынъ кокрегине башыны къойып: — Рабби, о кимдир? — деп сорады.
-
|Juan 13:26| Иса джевап берип: — Мен бу пите парчасыны ашкъа батырып кимге берсем, одыр, — деди. Сонъ О, бир пите парчасыны батырып, Симон Искариот огълу Иудагъа берди.
-
|Juan 13:27| Шу ань, Иуда питени алгъанынен, онынъ ичине Шейтан кирди. — Япаджагъынъны тез-тез яп, — деди онъа Иса.
-
|Juan 13:28| Иса бу сёзлерни не ичюн айткъаныны софра этрафындакилерден ич кимсе анъламады.
-
|Juan 13:29| Акъча къутусы Иудада олгъаны ичюн, базылары тюшюндилер ки, Иса онъа: «Байрам ичюн бизге керек олгъан шейлерни сатын ал» я да «Фукъарелерге бир шей бер», — деди.
-
|Juan 13:30| Иуда исе питени алып, бирден тышарыгъа чыкъып кетти. Энди гедже тюшкен эди.
