Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Juan 6:41| Сонъ еудийлер Исагъа къаршы мырылдап башладылар, чюнки О: «Мен коктен тюшкен отьмек олам», — деген эди. Олар:
-
|Juan 6:42| — Бу, Юсуфнынъ огълу Иса дегильми? Биз Онынъ бабасыны да, анасыны да танымаймызмы? Сонъ О: «Мен коктен тюштим», — деп насыл айта билир? — дей эдилер.
-
|Juan 6:43| — Озьара мырылдаманъыз! — деди оларгъа Иса.
-
|Juan 6:44| — Адамны Мени ёллагъан Бабам джельп этмесе, о, Манъа келип оламаз. Манъа кельген адамны исе сонъки куньде тирильтеджем.
-
|Juan 6:45| Пейгъамберлернинъ Языларында язылгъаны киби, Алла оларнынъ эписини огретеджек. Бабамны эшиткен ве Ондан огренген эр бир адам Манъа келе.
-
|Juan 6:46| Алладан Кельгенден гъайры ич бир адам Бабаны корьмеди. Бабаны тек О, корьди.
-
|Juan 6:47| Сизге керчектен догърусыны айтам: Манъа иман эткен эр ким эбедий аяткъа саиптир.
-
|Juan 6:48| Мен — аят отьмеги олам.
-
|Juan 6:49| Бабаларынъыз сахрада маннаны ашаса да, ольдилер.
-
|Juan 6:50| Амма коктен кельген отьмек ойле дегиль: оны ашагъан адам ольмейджек.
