Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Juan 6:11| Иса отьмеклерни алып, шукюр дувасыны окъуды да, отургъанларгъа, ким не къадар истесе, даркъатты. Балыкъларны да даркъатты.
-
|Juan 6:12| Адамлар ашап тойгъан сонъ, Иса Озь шегиртлерине: — Къалгъан парчаларны джыйып алынъыз, ич бир шей ёкъ олмасын, — деди.
-
|Juan 6:13| Шегиртлер, адамлар ашагъан беш арпа отьмегинден къалгъан парчаларны джыйып, он эки сепет толдурдылар.
-
|Juan 6:14| Адамлар, Иса косьтерген бельгини корип: — Керчектен де, бу — дюньягъа келеяткъан Пейгъамбердир, — дедилер.
-
|Juan 6:15| Иса исе, адамлар келип, Оны тутмагъа ве падиша япмагъа истегенлерини билип, кене бир Озю дагъгъа котерильди.
-
|Juan 6:16| Акъшам олгъан сонъ, Исанынъ шегиртлери голь боюна бардылар.
-
|Juan 6:17| Къайыкъкъа минип, гольнинъ о бир тарафындаки Къафарнаум шеэрине ёл алдылар. Энди къаранлыкъ тюшкен, Иса исе оларнынъ алдына даа кельмеген эди.
-
|Juan 6:18| Кучьлю ель котерилип, гольнинъ сувларыны далгъаландырды.
-
|Juan 6:19| Олар ялыдан беш-алты километр 9 узакълашкъан сонъ, голь устюнден юрген, къайыкъкъа якъынлашкъан Исаны корьдилер ве пек къоркътылар.
-
|Juan 6:20| — Бу — Меним! Къоркъманъыз! — деди оларгъа Иса.
