Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Карақалпақ тилиндеги Мухаддес Китап 
-
|Marcos 9:11| Шәкиртлери Ийсадан: — Неге диний муғаллимлер алды менен Илияс келиўи шәрт дейди? — деп сорады.
-
|Marcos 9:12| Ийса оларға жуўап берип: — Дурыс, алды менен Илияс келип, ҳәммесин дүзетеди. Бирақ неге Адам Улы көп азап шегип, қабылланбаўы шәрт, деп жазылған?
-
|Marcos 9:13| Сизлерге айтатуғыным: Илияс келген еди. Бирақ ол ҳаққында жазылғандай, адамлар оған қәлегенин ислеп, жаман қатнаста болды, — деди.
-
|Marcos 9:14| Олар басқа шәкиртлерине қайтып келгенде, шәкиртлерди қоршаған көп халықты ҳәм олар менен тартысып турған диний муғаллимлерди көрди.
-
|Marcos 9:15| Пүткил халық Ийсаны көриўден таң қалысты ҳәм жуўырысып келип, Оған сәлем берди.
-
|Marcos 9:16| Ийса олардан: — Олар менен не ҳаққында тартысып турсызлар? — деп сорады.
-
|Marcos 9:17| Халық арасынан бир адам Оған жуўап берип: — Устаз! Мен Саған тилсиз руўх урғанлықтан гүңелек болып қалған баламды алып келдим.
-
|Marcos 9:18| Баламды руўх тутқанда, жерге жығады. Оның аўзында көбик пайда болады ҳәм ол тислерин қайрап, қатып қалады. Мен Сениң шәкиртлериңнен руўхты қуўып шығарыўын өтинген едим, бирақ олардың қолларынан келмеди, — деди.
-
|Marcos 9:19| Сонда Ийса оларға: — Ҳәй, исенбейтуғын әўлад! Мен қашанға дейин сизлер менен бирге боламан? Қашанға дейин сизлерге шыдайман? Баланы Маған алып келиңлер, — деди.
-
|Marcos 9:20| Олар баланы Ийсаға алып келди. Ийсаны көриўден, руўх баланы дәрриў қалтыратты. Бала жерге жығылды да, аўзынан көбик шығып, аўнап жатты.
