Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Иисус Христос Хуҫамӑр 
-
|Juan 13:1|Пасха уявӗ ҫывхарса килнӗ. Ку тӗнчерен Ашшӗ патне каяс вӑхӑчӗ ҫитсе пынине Иисус пӗлнӗ. Ку тӗнчери Хӑй хыҫҫӑн пыракансене Вӑл савнӑ, каяс умӗн вара Хӑйӗн тулли юратулӑхне пытарас темен.
-
|Juan 13:2| Каҫхине Иисуспа вӗренекенӗсем апат ҫиме ларнӑ. Ҫавӑн чухне шуйттан Симон ывӑлӗнИуда Искариотӑн чӗрине Иисуса сутас шухӑш кӗртнӗ.
-
|Juan 13:3| Ашшӗ пӗтӗмпех Хӑйӗн аллине панине тата Хӑй Турӑ патӗнчен анса Турӑ патне каясса Иисус пӗлнӗ.
-
|Juan 13:4| Ҫавӑнпа Вӑл сӗтел хушшинчен тухнӑ та, ҫиелти тумне хывса, пилӗкне ал шӑлли ҫыхнӑ.
-
|Juan 13:5| Унтан ҫӑвӑнмалли савӑта шыв янӑ та, вӗренекенӗсен урисене ҫуса, пилӗкне ҫыхнӑ ал шӑллипе шӑла пуҫланӑ.
-
|Juan 13:6| Петр текен Симон патне ҫитсен, лешӗ тӗлӗнсе кайнипе ҫапла каланӑ: «Хуҫамӑр ! Эсӗ ман урана ҫӑвасшӑн-и?»
-
|Juan 13:7| «Эпӗ мӗн тунине эсӗ халӗ пӗлейместӗн-ха, кайран ӑнланса илӗн», — тесе хуравланӑ Иисус.
-
|Juan 13:8| «Ӗмӗрне те ҫутармастӑп!» — хирӗҫленӗ Ӑна Петр. «Эпӗ сан уруна ҫумасан, эсӗ Манпа пӗрлӗхлӗ пулаймӑн», — тенӗ ӑна Иисус.
-
|Juan 13:9| «Хуҫамӑр! Эппин урама кӑна мар, аллӑмпа пуҫӑма та ҫуса яр», — тенӗ Ӑна Петр текен Симон.
-
|Juan 13:10| «Ҫӑвӑннӑ ҫын ахалех таса, — тенӗ ӑна Иисус, — ҫавӑнпа унӑнне урине кӑна ҫумалла. Эсир те таса, анчах пурте мар».
