Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Иисус Христос Хуҫамӑр 
-
|Juan 21:1| Ҫавӑнтан кайран Иисус Хӑйӗн вӗренекенӗсене Тивериада тинӗсӗ патӗнче каллех курӑннӑ. Ку ӗҫ ҫапла пулса иртнӗ.
-
|Juan 21:2| Петр текен Симон, Йӗкӗреш текен Фома, Галилейӑри Кана ҫынни Нафанаил, Зеведей ывӑлӗсем тата Иисусӑн тепӗр икӗ вӗренекенӗ пӗрле пуҫтарӑннӑ.
-
|Juan 21:3| «Эпӗ пулла каятӑп», — тенӗ вӗсене Петр текен Симон. «Эпир те пыратпӑр», — тенӗ ӑна ыттисем. Вара вӗсем кимӗ ҫине ларса тинӗсе тухнӑ. Анчах ҫав каҫ вӗсем нимӗн те тытайман.
-
|Juan 21:4| Ирпе ирех Иисус вӗсене ҫыранта кӗтсе тӑнӑ, анчах вӗренекенӗсем Иисуса паллайман.
-
|Juan 21:5| «Ачасем, сирӗн ҫимелли мӗн те пулин пур-и?» — тенӗ вӗсене Иисус. «Ҫук ҫав», — тавӑрнӑ вӗренекенӗсем.
-
|Juan 21:6| «Сӗреке-тетелӗрсене кимӗрен сылтӑмарах пӑрахӑр-ха, вара кӗрӗ», — тесе каланӑ вӗсене Иисус. Ҫапла тусан туртса кӑлараймиех пулӑ кӗнӗ.
-
|Juan 21:7| Иисусӑн юратнӑ вӗренекенӗ вара Петра ҫапла каланӑ: «Ку —Хуҫамӑр вӗт-ха!» Петр текен Симон, ҫарамасскер, «Ку — Хуҫамӑр» тенине илтсен, ҫи-пуҫне пилӗк тавра ҫыхнӑ ташыва сикнӗ.
-
|Juan 21:8| Ытти вӗренекенӗсем, тулли сӗреке-тетелӗсене сӗтӗрсе, киммипе ҫыран хӗрне ишсе пынӑ. Пуллине вӗсем ҫырантан инҫех те мар, пӗр ҫитмӗл хӑлаҫра, тытнӑ пулнӑ.
-
|Juan 21:9| Ҫыран хӗррине тухсан вӗсем кӑвайт ҫуннине курнӑ. Тӗлкӗшекен кӑвар ҫине пулӑ хунӑ иккен. Унтах ҫӑкӑр та пулнӑ.
-
|Juan 21:10| «Халӗ ӗнтӗ тытнӑ пуллӑра илсе килӗр», — тенӗ вӗсене Иисус.
