Tua Palavra

Единството на телото

|Efésios 4:1| Браќа, јас, затвореник во Господ, ве молам да се однесувате достојно според звањето, за кое сте повикани,

|Efésios 4:2| со сета понизност и кротост, со долготрпеливост, поднесувајќи се еден со друг со љубов,

|Efésios 4:3| трудејќи се да го запазите единството на Духот преку врските на мирот.

|Efésios 4:4| Едно тело сте и еден Дух, како што сте и повикани кон една надеж на вашето звање.

|Efésios 4:5| Еден Господ, една вера и едно крштение,

|Efésios 4:6| еден е Бог и Отец на сите, Кој е над сѐ, и преку сите, и во сите нас.

|Efésios 4:7| А на секого од нас благодатта му е дадена според мерката на дарот Христов.

|Efésios 4:8| Затоа е и речено: „Издигајќи се на височина, плени плен и им даде дарови на луѓето.“

|Efésios 4:9| А што означува „издигајќи се“, ако не тоа дека Тој слезе пред тоа во најдолните места на земјата.

₁₀

|Efésios 4:10| Слегнатиот е истиот, Кој се издигна повисоко од сите небеса, за да исполни сѐ.