Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Modern Hebrew Bible: Tanakh 
-
|Neemias 8:1| ויאספו כל-העם כאיש אחד, אל-הרחוב, אשר לפני שער-המים; ויאמרו לעזרא הספר, להביא, את-ספר תורת משה, אשר-צוה יהוה את-ישראל:
-
|Neemias 8:2| ויביא עזרא הכהן את-התורה לפני הקהל מאיש ועד-אשה, וכל מבין לשמע; ביום אחד לחדש השביעי:
-
|Neemias 8:3| ויקרא-בו לפני הרחוב אשר לפני שער-המים, מן-האור עד-מחצית היום, נגד האנשים והנשים והמבינים; ואזני כל-העם אל-ספר התורה:
-
|Neemias 8:4| ויעמד עזרא הספר, על-מגדל-עץ אשר עשו לדבר, ויעמד אצלו מתתיה ושמע ועניה ואוריה וחלקיה ומעשיה על-ימינו; ומשמאלו, פדיה ומישאל ומלכיה וחשם וחשבדנה זכריה משלם: פ
-
|Neemias 8:5| ויפתח עזרא הספר לעיני כל-העם, כי-מעל כל-העם היה; וכפתחו עמדו כל-העם:
-
|Neemias 8:6| ויברך עזרא, את-יהוה האלהים הגדול; ויענו כל-העם אמן אמן במעל ידיהם, ויקדו וישתחו ליהוה אפים ארצה:
-
|Neemias 8:7| וישוע ובני ושרביה ימין עקוב שבתי הודיה מעשיה קליטא עזריה יוזבד חנן פלאיה והלוים, מבינים את-העם לתורה; והעם על-עמדם:
-
|Neemias 8:8| ויקראו בספר בתורת האלהים מפרש; ושום שכל, ויבינו במקרא: ס
-
|Neemias 8:9| ויאמר נחמיה הוא התרשתא ועזרא הכהן הספר והלוים המבינים את-העם לכל-העם, היום קדש-הוא ליהוה אלהיכם, אל-תתאבלו ואל-תבכו; כי בוכים כל-העם, כשמעם את-דברי התורה:
-
|Neemias 8:10| ויאמר להם לכו אכלו משמנים ושתו ממתקים, ושלחו מנות לאין נכון לו, כי-קדוש היום לאדנינו; ואל-תעצבו, כי-חדות יהוה היא מעזכם:
