Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Modern Hebrew Bible: Tanakh 
-
|Neemias 6:1| ויהי כאשר נשמע לסנבלט וטוביה ולגשם הערבי וליתר איבינו, כי בניתי את-החומה, ולא-נותר בה פרץ; גם עד-העת ההיא, דלתות לא-העמדתי בשערים:
-
|Neemias 6:2| וישלח סנבלט וגשם אלי לאמר, לכה ונועדה יחדו בכפירים בבקעת אונו; והמה חשבים, לעשות לי רעה:
-
|Neemias 6:3| ואשלחה עליהם מלאכים לאמר, מלאכה גדולה אני עשה, ולא אוכל לרדת; למה תשבת המלאכה כאשר ארפה, וירדתי אליכם:
-
|Neemias 6:4| וישלחו אלי כדבר הזה ארבע פעמים; ואשיב אותם כדבר הזה: ס
-
|Neemias 6:5| וישלח אלי סנבלט כדבר הזה פעם חמישית את-נערו; ואגרת פתוחה בידו:
-
|Neemias 6:6| כתוב בה, בגוים נשמע וגשמו אמר, אתה והיהודים חשבים למרוד, על-כן אתה בונה החומה; ואתה, הוה להם למלך, כדברים האלה:
-
|Neemias 6:7| וגם-נביאים העמדת לקרא עליך בירושלם לאמר, מלך ביהודה, ועתה ישמע למלך, כדברים האלה; ועתה לכה, ונועצה יחדו: ס
-
|Neemias 6:8| ואשלחה אליו לאמר, לא נהיה כדברים האלה, אשר אתה אומר; כי מלבך אתה בודאם
-
|Neemias 6:9| כי כלם, מיראים אותנו לאמר, ירפו ידיהם מן-המלאכה ולא תעשה; ועתה חזק את-ידי:
-
|Neemias 6:10| ואני-באתי, בית שמעיה בן-דליה בן-מהיטבאל והוא עצור; ויאמר נועד אל-בית האלהים אל-תוך ההיכל, ונסגרה דלתות ההיכל, כי באים להרגך, ולילה באים להרגך:
