Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Modern Hebrew Bible: Tanakh 
-
|Neemias 2:1| ויהי בחדש ניסן, שנת עשרים לארתחשסתא המלך יין לפניו; ואשא את-היין ואתנה למלך, ולא-הייתי רע לפניו:
-
|Neemias 2:2| ויאמר לי המלך מדוע פניך רעים, ואתה אינך חולה, אין זה, כי-אם רע לב; ואירא הרבה מאד:
-
|Neemias 2:3| ואמר למלך, המלך לעולם יחיה; מדוע לא-ירעו פני, אשר העיר בית-קברות אבתי חרבה, ושעריה אכלו באש: ס
-
|Neemias 2:4| ויאמר לי המלך, על-מה-זה אתה מבקש; ואתפלל, אל-אלהי השמים:
-
|Neemias 2:5| ואמר למלך, אם-על-המלך טוב, ואם-ייטב עבדך לפניך; אשר תשלחני אל-יהודה, אל-עיר קברות אבתי ואבננה:
-
|Neemias 2:6| ויאמר לי המלך והשגל יושבת אצלו, עד-מתי יהיה מהלכך ומתי תשוב; וייטב לפני-המלך וישלחני, ואתנה לו זמן:
-
|Neemias 2:7| ואומר למלך, אם-על-המלך טוב, אגרות יתנו-לי, על-פחוות עבר הנהר; אשר יעבירוני, עד אשר-אבוא אל-יהודה:
-
|Neemias 2:8| ואגרת אל-אסף שמר הפרדס אשר למלך, אשר יתן-לי עצים לקרות את-שערי הבירה אשר-לבית ולחומת העיר, ולבית אשר-אבוא אליו; ויתן-לי המלך, כיד-אלהי הטובה עלי:
-
|Neemias 2:9| ואבוא, אל-פחוות עבר הנהר, ואתנה להם, את אגרות המלך; וישלח עמי המלך, שרי חיל ופרשים: פ
-
|Neemias 2:10| וישמע סנבלט החרני, וטוביה העבד העמני, וירע להם רעה גדלה; אשר-בא אדם, לבקש טובה לבני ישראל:
