Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Oseas 9:1|Эй, Исраиль, къуванма! Башкъа халкълар киби, чокъ севинме! Сен озь Алланъдан вазгечкенинънен, ороспу олдынъ, эр бир арманда ороспулыгъынъ ичюн къазанч алмагъа бегендинъ.
-
|Oseas 9:2|Арман ве юзюм басылгъан ер оларгъа аш бермез, юзюм шырасы оларнынъ ишанчыны беджермез.
-
|Oseas 9:3|Олар РАББИнинъ топрагъында яшамаз, лякин Эфраим Мысыргъа къайтар, Ашшурда да арам шейлерни ашар.
-
|Oseas 9:4|Олар РАББИге шарап бахшышларыны кетирмез. РАББИ оларнынъ къурбанларыны къабул этмез. Байрам къурбанлары дженазе отьмеги киби оладжакъ. Оларны ашайджакъ адамларнынъ эписи арамланаджакъ; олар аш бахшышларыны озь къадирлери ичюн кетиреджек, РАББИнинъ Эвине исе шу бахшышлар кирмейджек.
-
|Oseas 9:5|Азиз топлашув куньлеринде ве РАББИнинъ байрам куньлеринде не япаджакъсынъыз?
-
|Oseas 9:6|Бутюнлей ёкъ олмакътан къуртулмагъа чаре тапсалар биле, Мысыр мемлекети оларны топлайджакъ, онынъ баш шеэри Ноф оларны комеджек. Кийик отлар къыйметли кумюш эшьяларыны сараджакъ, когемлик чадырларыны басаджакъ.
-
|Oseas 9:7|Оларнынъ джеза куньлери кельди, эсап куньлери башланды. Исраиль бильсин ки, гуналары чокълугъындан, душманлыгъы буюклигинден пейгъамберлерни — ахмакъ, рухландырылгъан адамларны — дели саялар.
-
|Oseas 9:8|Пейгъамбер Алланен бирликте Эфраимни къоруй, амма онынъ ёлларында къапкъанлар къурула, Алланынъ Эвинде душманлыкъ булуна.
-
|Oseas 9:9|Олар чокъ бозулды, Гивада олгъаны киби, харап олды. Оларнынъ къабаатлары Алланынъ акълына келеджек, гуналары ичюн О, джезалайджакъ.
-
|Oseas 9:10|Исраильни тапкъан вакъытта, Мен сахрада бир салкъым юзюмни киби таптым, терекнинъ биринджи инджир данесини киби корьдим. Бабаларынъызны корьдим, амма олар Баал-Пеоргъа кеттилер, озьлерини масхара путкъа багъышлады, озьлери де, севген путлары киби, пис шейге чевирильдилер.
