Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Oseas 8:1|Бору чалынъыз! Исраиллилер васиетимни бозгъанлары ичюн, Къануныма къаршы чыкъкъанлары ичюн, душманлар, къартал киби, РАББИнинъ Эвине келеджек.
-
|Oseas 8:2|Исраиллилер менден ярдым истейджек: «Алламыз! Биз Санъа инанамыз!»
-
|Oseas 8:3|Лякин Исраиль яхшылыкъны ред этти, шунынъ ичюн душманлар оларны къувалайджакъ.
-
|Oseas 8:4|Менден сорамайып, озьлерине падишаларны къойдылар, хаберим олмайып, башлыкъларыны сайладылар. Кумюш ве алтынларындан озьлерине путлар ясады, шунынъ ичюн де олар гъайып олды.
-
|Oseas 8:5|Эй, Самарие, сенинъ бузав путунъ ред этильди! Оларгъа къаршы ачувым чыкъты. Олар даа не къадар темиз оламайджакъ?
-
|Oseas 8:6|Бу — Исраильнинъ ишидир. Бир уста шу бузавны япты, шунынъ ичюн о, Алла дегильдир. Самариенинъ бузавы чиль-парча оладжакъ.
-
|Oseas 8:7|Олар ельни сачкъаны ичюн, боранны джыяр. Оларнынъ урлукълары берекет бермейджек, богъдай унны бермез. Унны берсе биле, чет адамлар оны ашап битирир.
-
|Oseas 8:8|Исраиль енъильди. Шимди о, халкълар арасында бир шейге ярамагъан савут киби олды.
-
|Oseas 8:9|Янъгъыз быралкъылангъан кийик эшек киби, олар Ашшургъа кеттилер; Эфраим башкъаларнынъ урьмет-севгисини сатын алмагъа тырышты.
-
|Oseas 8:10|Олар халкъларгъа бахшышларны йиберсе де, энди Мен оларны бир ерге топлайджагъым, ве олар къудретли падишанынъ къатты къолу алтында чекишмеге башлайджакъ.
