Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Oseas 3:1| РАББИ манъа бойле деди: — Бар да, кене апайынъа озь севгинъни косьтер. О башкъасынен ороспуланса да, оны, РАББИ исраиллилерни севгени дайын, сев. Олар башкъа аллаларгъа ибадет этелер, оларнынъ юзюм пителерини севелер, Алла исе оларны севе. Сен де озь апайынъны бойле сев.
-
|Oseas 3:2| Бойледже, мен оны озюме он беш кумюшке, еди бучукъ чувал арпагъа 11 сатын алдым.
-
|Oseas 3:3| Онъа бойле дедим: — Сен меним эвимде чокъ яшайджакъсынъ. Ороспулыкъ этме, башкъа акъайларнен ятма. Мен де санъа бойле янашаджагъым.
-
|Oseas 3:4| Исраиллилер чокъ вакъыт ичинде падишасыз, ёлбашчысыз яшайджакъ. Оларнынъ не къурбанлары, не къурбан ери, не эфод, не эв путлары оладжакъ.
-
|Oseas 3:5| Бундан сонъ Исраиль огъуллары къайтаджакъ ве РАББИни, оларнынъ Алласыны, эм де Давут падишасыны къыдыраджакълар. Олар РАББИден къоркъаджакълар ве сонъки куньлериндеки Онынъ эйилигини буюк урьмет этеджеклер.
