Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Oseas 1:1| Уззия, Ётам, Ахаз ве Хизкия Ехудада падишалыкъ япкъанда, Ёашнынъ огълу Еровоам Исраильде падиша олгъанда, Беэрийнинъ огълу Хошеагъа РАББИнинъ бойле хабери кельди.
-
|Oseas 1:2| РАББИ Хошеагъа айткъан сёзюнинъ башы. РАББИ Хошеагъа бойле деди: — Бар да, ороспу къадынгъа эвлен. О, ороспулыгъындан балаларыны корьсюн. Бутюн бу мемлекет Менден айырылды ве ороспу киби, башкъа аллаларгъа ибадет этип башлады.
-
|Oseas 1:3| Хошеа кетип, Дивлаимнинъ къызы Гомерге эвленди. О юкке къалып, онъа огълан бала тапты.
-
|Oseas 1:4| РАББИ Хошеагъа: — Адыны Йизреэл къой, чюнки чокъ вакъыт кечмезден, Мен Йизреэл вадийинде тёкюльген къанны Ехунынъ эвинден сорарым 1 ве Исраиль эвининъ падишалыгъыны токътатырым.
-
|Oseas 1:5| О куню Йизреэл вадийинде Исраильнинъ яйларыны сындыраджагъым.
-
|Oseas 1:6| Гомер кене юкке къалды ве къыз бала тапты. РАББИ Хошеагъа: — Адыны Ло-Рухама 2 къой, чюнки энди Мен Исраиль эвине мерамет этмейджегим, оларнынъ къабаатларыны энди багъышламайджагъым.
-
|Oseas 1:7| Лякин Ехуда эвине мерамет этеджегим. Не яй, не къылыч, не дженк, не атлар ве атлылар оларны къуртараджакъ, олар Алласы РАББИнинъ кучюнен къуртуладжакъ.
-
|Oseas 1:8| Гомер Ло-Рухаманы кокюстен кестирген сонъ, кене юкке къалды ве огълан бала тапты.
-
|Oseas 1:9| РАББИ Хошеагъа: — Адыны Ло-Амми 3 къой, чюнки сиз Меним халкъым дегильсиз. Мен де сизинъ Алланъыз олмам.
-
|Oseas 1:10| Амма исраиллилер, денъиз къуму киби, чокъ оладжакъ. Оларны ич кимсе ольчемез, ич кимсе саймаз. «Сиз Алланынъ халкъы дегильсинъиз», — деген ерде оларгъа: «Сиз Тири Алланынъ огъулларысынъыз», — дейджеклер.
