Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Levítico 9:1| Секизинджи куню Муса Харунны, огъулларыны ве Исраиль акъсакъалларыны чагъырды.
-
|Levítico 9:2| Харунгъа бойле деди: — Бугъалардан озюнъе гуна ичюн къурбан оларакъ бир бузавны ве бутюнлей якъыладжакъ къурбан оларакъ бир къочкъарны ал. Оларнынъ экиси де къусурсыз олсун. Оларны РАББИнинъ огюне алып кетир.
-
|Levítico 9:3| Исраиль огъулларына буюр, олар гуна ичюн къурбан оларакъ бир йыллыкъ эчкини, эм де бутюнлей якъыладжакъ къурбан оларакъ бир йыллыкъ бузавны ве къойны алсынлар. Айванлар къусурсыз олмакъ керек.
-
|Levítico 9:4| Даа аманлыкъ къурбаны оларакъ бир бугъаны ве бир къочкъарны алсынлар ве оларны РАББИнинъ огюне кетирсинлер, зейтюн ягъынен къарыштырылгъан ашлыкъ бахшышыны да кетирсинлер. Бугунь сизге РАББИ корюнеджектир.
-
|Levítico 9:5| Мусанынъ бутюн буюргъанларыны Корюшюв Чадырынынъ кириши огюне алып кетирдилер. РАББИнинъ огюнде бутюн джемаат топланды.
-
|Levítico 9:6| Муса: — РАББИнинъ сизлерге буюргъаныны япынъыз. Сонъра сизге РАББИнинъ Шурети корюнеджек, — деди.
-
|Levítico 9:7| Муса Харунгъа: — Къурбан ерининъ янына бар, гуна ичюн къурбанынъны ве бутюнлей якъыладжакъ къурбанынъны алып кетир, озюнъ ве халкъ ичюн одеме эт. Халкънынъ адындан къурбан чал ве халкъ ичюн одеме эт. Бу — РАББИнинъ буюргъаныдыр, — деди.
-
|Levítico 9:8| Харун къурбан ерининъ янына барды, озь адына гуна ичюн къурбанлыкъ бузавны чалды.
-
|Levítico 9:9| Огъуллары онъа къанны кетирдилер, ве о, пармагъыны къангъа батырып, къурбан ерининъ бойнузларына сюртти, къалгъан къанны къурбан ерининъ тюбюне тёкти.
-
|Levítico 9:10| Гуна ичюн къурбаннынъ ич ягъыны, буйреклерини ве къара джигернинъ ягъыны, РАББИ Мусагъа буюргъаны киби, къурбан ерининъ устюнде якъты.
