Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Levítico 14:1| РАББИ Мусагъа бойле деди:
-
|Levítico 14:2| — Мына тери хасталыгъы олгъан адамны насыл темизлемек акъкъында къанундыр. Меселени руханийге бильдирсинлер.
-
|Levítico 14:3| Руханий ордудан тыш чыкъып, хастаны бакъсын. Эгер хаста озь тери хасталыгъындан тюзелип яхшы олгъан олса,
-
|Levítico 14:4| руханий темизленеджек адам ичюн эки тири элял къушны, кедр терегини, ачыкъ къырмызы йипни ве эзов отуны алып кетирмеге буюрсын.
-
|Levítico 14:5| Руханий чокъракъ сувунен толдурылгъан балчыкъ бардакъ устюнде бир къушны соймагъа эмир этсин.
-
|Levítico 14:6| Сонъ руханий сагъ къалгъан къушны алсын ве оны, эм де кедр терегини, ачыкъ къырмызы йипни ве эзов отуны чокъракъ сувунынъ устюнде союлгъан къушнынъ къанына батырсын
-
|Levítico 14:7| ве тери хасталыгъындан темизленеджек адамгъа еди кере сепсин. Сонъ руханий хастаны темиз деп илян этсин, тири къушны исе чёльге йиберсин.
-
|Levítico 14:8| Темизленеджек адам урбаларыны ювсун, бутюн сачларыны тыраш этсин, сувнен ювунсын, ве сонъра темиз оладжакъ. Сонъ онынъ ордугъа кирмеге акъкъы оладжакъ, амма еди кунь о озь чадырындан тыш яшасын.
-
|Levítico 14:9| Единджи куню о башындаки бутюн сачларыны, сакъалыны, къашларыны ве тенинде олгъан бутюн сачларны тыраш этсин, урбаларыны ювсун, беденини де сувнен ювсун. Сонъ о, темиз оладжакъ.
-
|Levítico 14:10| Секизинджи куню о, эки къусурсыз къозуны, бир йыллыкъ къусурсыз къойны, ашлыкъ бахшышы оларакъ зейтюн ягъынен къарыштырылгъан учь чанакъ 4 энъ яхшы богъдай унны ве бир кучюк бардачыкъ 5 зейтюн ягъыны алып кетирсин.
