Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Levítico 27:1| РАББИ Мусагъа бойле деди:
-
|Levítico 27:2| — Исраиль огъулларына бойле айт: Бир адам башкъа адамнынъ джаныны белли бир фияткъа коре РАББИге багъышламагъа адагъыны бергенде,
-
|Levítico 27:3| 20 яшындан 60 яшынадже олгъан эркекнинъ фияты, мукъаддес шекель чекисине коре, 50 кумюш олсун.
-
|Levítico 27:4| Эгер къадын олса, фияты 30 кумюш олсун.
-
|Levítico 27:5| Беш яшындан башлап 20 яшынадже олгъан огъланнынъ фияты 20 кумюш, къызнынъ фияты он кумюш олсун.
-
|Levítico 27:6| Бир айлыкътан беш яшына къадар огъланнынъ фияты беш кумюш, къызнынъ фияты учь кумюш олсун.
-
|Levítico 27:7| Алтмыш я да даа буюк яшта олгъан акъайнынъ фияты 15 кумюш, къадыннынъ фияты он кумюш олсун.
-
|Levítico 27:8| Лякин бир адам адакъ парасыны берип оламаса, адамны руханийге алып барсынлар, ве руханий адакъ берген адамнынъ алына коре адамнынъ фиятыны кессин.
-
|Levítico 27:9| Берильген адакъ РАББИге къурбанлыкъкъа келишкен айван олса, РАББИге берильген эр шей азиз олсун.
-
|Levítico 27:10| Адакъны денъиштирмеге олмаз. Яхшынынъ ерине ярамай я да ярамайнынъ ерине яхшысыны къоймагъа олмаз. Эгер айванны денъиштирселер, денъиштирильген айванларнынъ экиси де азиз къурбанлыкъ оладжакълар.
