Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Levítico 18:1| РАББИ Мусагъа бойле деди:
-
|Levítico 18:2| — Исраиль халкъына бойле айт: Мен — РАББИм, сизинъ Алланъыз.
-
|Levítico 18:3| Сизлер яшагъан Мысыр топрагъындаки адамларнынъ япкъанларыны япманъыз. Мен сизни алып кетеджек Ханаан топрагъындаки адамларнынъ япкъанларыны да япманъыз. Оларнынъ низамнамелерине коре яшаманъыз.
-
|Levítico 18:4| Меним къарарларымны беджеринъиз, Меним низамнамелеримни тутунъыз ве оларгъа коре яшанъыз. Мен — РАББИм, сизинъ Алланъыз.
-
|Levítico 18:5| Меним низамнамелеримни ве къарарларымны тутунъыз ве беджеринъиз. Оларны беджерген адам оларнынъ ярдымынен яшайджакъ. Мен — РАББИм.
-
|Levítico 18:6| Ич кимсе озь сой-сопунен ятмагъа ниетленмесин. Мен — РАББИм.
-
|Levítico 18:7| Ананънен ве бабанънен ятма. Ананънен ятма. О, сенинъ ананъдыр.
-
|Levítico 18:8| Бабанънынъ апайынен ятма. Бу — бабанънынъ аврет ерлерининъ ачылышыдыр.
-
|Levítico 18:9| Озь татанънен, къызкъардашынънен, бабанънынъ къызынен я да ананънынъ къызынен ятма. Олар сенинъ къорантанъда я да башкъа къорантада догъгъан олса да, эп бир оларнен ятма.
-
|Levítico 18:10| Огълунънынъ къызынен я да къызынънынъ къызынен ятма. Бу — сенинъ аврет ерлеринънинъ ачылышыдыр.
