Tua Palavra

Беш бин адам дойурулэр

|Juan 6:1| Бундан сора Иисус гитти Галилейа (Тивериада) гӧлӱнӱн ӧбӱр тарафына.

|Juan 6:2| Чок инсан гидӓрди Онун ардына, зерӓ гӧрӓрдилӓр нышаннары, не йапарды хасталарлан.

|Juan 6:3| Иисус пинди байыр ӱстӱнӓ да отурурду орада ӱӱрениӂилериннӓн барабар.

|Juan 6:4| Паскеллӓ, иудейлерин йортусу, йаклашарды.

|Juan 6:5| Иисус бакты да гӧрдӱ чок инсан, ани гелӓрди Она. Озаман деди Филипӓ: «Нӓӓндан сатын алаӂэз окадар екмек, ки бу инсаны дойуралым?»

|Juan 6:6| Сӧледи бӧлӓ, ки денесин ону, зерӓ Кендиси билӓрди, не йапаӂэк.

|Juan 6:7| Филип ӂувап етти: «Икиӱз динарлык екмек дӓ етишмӓз оннара, ки херкези бирӓр парча алабилсин».

|Juan 6:8| Ӧбӱр ӱӱрениӂи, Андрей, Симон Петринин кардашы, деди:

|Juan 6:9| «Бурада вар бир чоӂук, ангысында вар беш екмек арпадан хем ики балык, ама недир оннар букадар инсана?»

₁₀

|Juan 6:10| Иисус деди: «Сӧлейин, инсан отурсун». Орада варды чок чимен. Инсан отурду ерӓ. Хепси вардылар бир беш бин адамын долайында.