Tua Palavra

Гӱдӱӂӱ хем сӱрӱ

|Juan 10:1| Доору, доору сӧлеерим сизӓ, ким койуннарын аулуна гирмеер капудан, ама атлээр башка ердӓн, о хырсыз хем хайдут.

|Juan 10:2| Ким гирер капудан, одур койуннарын гӱдӱӂӱсӱ.

|Juan 10:3| Капуда дуран ачэр капуйу, да койуннар таныйэрлар гӱдӱӂӱнӱн сесини. О чаарэр хербир койуну адынӂа да дышары чыкарэр.

|Juan 10:4| Ачан чыкарды хепси койуннарыны, сора гидер оннарын ӧнӱ сора, койуннар да гелерлӓр онун ардына, зерӓ таныйэрлар сесини.

|Juan 10:5| Йабанӂынын ардына гитмеерлӓр, ондан качэрлар, зерӓ танымээрлар йабанӂынын сесини».

|Juan 10:6| Иисус сӧледи бу ӧрнӓӓ оннара, ама оннар аннамадылар, не иш ичин о лафедӓрди.

|Juan 10:7| Иисус енидӓн лафетти: «Доору, доору сӧлеерим сизӓ, ани Бӓним койуннарын капусу.

|Juan 10:8| Хепси, ким гелди Бендӓн ӧнӂӓ, оннар хырсыз хем хайдут. Койуннар да оннары сеслӓмедилӓр.

|Juan 10:9| Бӓним капу. Еер биркимсей гирирсейди Беним ашыры, олаӂэк куртулмуш, гиреӂек хем чыкаӂэк да отлайаӂак кендинӓ булаӂэк.

₁₀

|Juan 10:10| Хырсыз гелер салт чалмаа, ӧлдӱрмӓӓ хем йок етмӓӓ. Бӓн гелдим, ки койуннарын ташкынныктан йашамаклары олсун.