Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
Иисусун араӂылык дуасы
-
|Juan 17:1| Бу лафлардан сора Иисус калдырды бакышыны гӧкӓ да деди: «Боба, гелди вакыт, метиннейӓсин Оолуну, ки Оолун да метиннесин Сени.
-
|Juan 17:2| Сӓн вердин Она заабитлик хепси инсан ӱстӱнӓ, ки версин дивеч йашамак хепсинӓ, кими Сӓн вердин Она.
-
|Juan 17:3| Дивеч йашамак будур, ки танысыннар Сени, хакына бир Аллахы хем Иисус Христозу, Ангысыны Сӓн йолладын.
-
|Juan 17:4| Бӓн метиннедим Сени ердӓ, битирдим ишими, не Сӓн вердин йапайым.
-
|Juan 17:5| Шинди Сӓн метиннӓ Бени, Боба. Вер метиннии, ани варды Бендӓ дӱннейин курулмасындан илери.
-
|Juan 17:6| Ачтым Сенин адыны инсаннара, ангыларыны вердин Бана бу дӱннедӓн. Оннар Сенинди, Сӓн Бана оннары вердин, да оннар таманнадылар Сенин сӧзӱнӱ.
-
|Juan 17:7| Шинди таныдылар, ани хепси, не вердин Бана, Сендӓн гелер.
-
|Juan 17:8| Сӧзлери, ани вердин Бана, Бӓн оннара вердим. Оннар каблеттилӓр да хакына таныдылар, ани Сендӓн чыкып, гелдим, да инандылар, ани Сӓн Бени йолладын.
-
|Juan 17:9| Оннар ичин дуа едерим. Дуа етмеерим дӱннӓ ичин, ама оннар ичин, ангыларыны Сӓн Бана вердин, зерӓ оннар Сенин.
-
|Juan 17:10| Хепси, ким Беним, оннар Сенин дӓ, хем ким Сенин, оннар Беним дӓ. Бӓн дӓ оннарлан метинненмиш олдум.
