Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
Самарийалы кары
-
|Juan 4:1|Фарисейлӓр ишиттилӓр, ани Иисус таа чок ӱӱрениӂи еденер хем ваатиз едер, некадар Иоан.
-
|Juan 4:2| Аслысы, Кенди Иисус ваатиз етмӓрди, ама ваатиз едӓрди Онун ӱӱрениӂилери.
-
|Juan 4:3| Ачан Иисус аннады буну, бракты Иудейайы да енидӓн гитти Галилейа ерлеринӓ.
-
|Juan 4:4| Лӓӓзымды гечсин Самарийадан.
-
|Juan 4:5| Тӓ, Иисус гелер Самарийада бир касабайа, ады Сихар, нереси йаннашык о кырлан, ани Иаков вердийди кенди оолуна Иосифӓ.
-
|Juan 4:6| Орада булунарды Иаковун пынары. Иисус, дингин йолдан, отурду пынарын йанында ӧлӓ бир алтынӂы 6 саатта.
-
|Juan 4:7| Гелди бир кары Самарийадан, ки су пынардан чыкарсын. «Вер Бана, су ичейим», — деди Иисус.
-
|Juan 4:8| Зерӓ Онун ӱӱрениӂилери гиттийдилӓр касабайа имеелик алмаа.
-
|Juan 4:9| Самарийалы кары деди: «Сӓн иудейсин, несой бендӓн, самарийалы карыдан, су ичмӓӓ истеерсин?»Иудейлӓр бишей пайлашмээрлар самарийалыларлан.
-
|Juan 4:10| Иисус ӂувап етти она: «Еер билсӓн Аллахын баашышыны хем Ону, Ким сендӓн су истеер, сӓн кендин истӓрсин Ондан су ичмӓӓ, да О йашамак суйу верир сана».
