Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
МагӀарул мацӀ 
-
|Mateo 15:1| Гьебмехалъ ГІисахъеги рачІун, Иерусалималдаса диниял гІалимзабаз ва фарисеяз абуна:
-
|Mateo 15:2| - Дур муридаз нилъер умумузул динияб гІадат щай цІунулареб? Кваналелде кверал чурулел гьечІогури гьез.
-
|Mateo 15:3| ГІисаца гьезда абуна: - Нужерго гІадат цІунизе бокьун, нужецаго щай Аллагьасул амру тІубазабулареб?
-
|Mateo 15:4| Аллагьас абун буго: «Дурго инсулги эбелалъулги адаб-хъатир гьабе!» Хадубги: «Жиндирго инсул яги эбелалъул хІакъалъулъ квешаб рагІи абурав чи чІвазе ккола», - ян.
-
|Mateo 15:5| Нужеца малъулеб буго: «Дидасан нужее щвезе кколеб букІараб жо дица Аллагьасе назру гьабунилан жиндирго инсуда яги эбелалда абурав чияс
-
|Mateo 15:6| инсулги эбелалъулги адаб-хъатир гьабизе кколаро», - ян. Гьедин нужеца нужерго гІадаталдалъун хвезабулеб буго Аллагьасул амру.
-
|Mateo 15:7| Вай, нужее ххвелал гьаризе бокьулеб куц! Нужер хІакъалъулъ Ишая аварагасул тІехьалда цІакъ битІун абун бугебха:
-
|Mateo 15:8| «Гьел гІадамазул кІалалъ Дир цІар гІемер рехсола, Амма гьезул ракІални рикІкІад руго Дидаса.
-
|Mateo 15:9| ГІадада ккела гьезул Дие гьабураб тІагІат, ГІадамазул гІадатал цІунизе халкъ тІамидал».
-
|Mateo 15:10| Нахъеги халкъги аскІобе ахІун, ГІисаца абуна:
