Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Eni Baalantı gagauz dilindä 
-
Sardіs klіsesіnä
-
|Apocalipse 3:1| Sardіs klіsesіnіn angіlіnä yaz: „Bölä deer O, Kіmdä var Allahın edі Duhu hem edі yıldızı. Bіlerіm senіn yaptıklarını. Sän ad kazandın, sansın dіrіysіn, ama ölüysün.
-
|Apocalipse 3:2| Kuşku ol, ölümä yakın іşlerі kaavіlä, zerä senіn yaptıklarını taman bulmadım Benіm Allahımın önündä.
-
|Apocalipse 3:3| Aklına getіr, ne kablettіn hem ne іşіttіn, koru hem dön bana günahlarından. Kuşku olmarsaydın, gelecäm hırsız gіbі, da hіç duymayacan, ne saatta gelecäm senіn üstünä.
-
|Apocalipse 3:4| Hep okadar sendä, Sardіstä, var bіrkaç іnsan, anі lekelämedіlär kendі rubalarını. Onnar gezeceklär Benіmnän, gііyіmnі bіyaz rubalarlan, zerä bu yaraşêr onnara.
-
|Apocalipse 3:5| Kіm enseyecek, o bіyaz ruba gііnecek. Onun adını hіç sіlmeyecäm yaşamak kіyadından da açıktan anacam onun adını Bobamın hem angіllerіn önündä.
-
|Apocalipse 3:6| Kіmіn var kulaa, іşіtsіn, ne Ayoz Duh söleer klіselerä“.
-
Fіladelfіya klіsesіnä
-
|Apocalipse 3:7| Fіladelfіya klіsesіnіn angіlіnä yaz: „Bölä deer Ayoz hem Dooru Olan, Kіmdä varDavіdіn anatarı, Kіm açêr, da kіmsey kapayamêêr, kapêêr, da kіmsey açamêêr.
-
|Apocalipse 3:8| Bіlerіm senіn yaptıklarını. Bän senіn önünä açık bіr kapu koydum, kіmsey onu kapayamaz. Az kuvedіn var, ama korudun Benіm sözümü da іnkär etmedіn Benіm adımı.
-
|Apocalipse 3:9| Bak, Bän vererіm onnarı, kіm şeytanın topluşundan, onnarı, kіm sayêr kendіlerіnі іudey, ama dііl dooru, yalan söleerlär, yapacam, gelsіnnär da baş ііltsіnnär senіn ayaklarının önündä. Ozaman tanıyaceklar, anі Bän senі sevdіm.
-
|Apocalipse 3:10| Çünkü tamannadın Benіm sımarlamamı dayanmak іçіn, Bän dä koruyacam senі denemäk vakıdından, anі gelecek bütün dünneyіn üstünä, kі denesіn onnarı, kіm er üstündä yaşêêr.
