Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Eni Baalantı gagauz dilindä 
-
Edі kafaylan hem on buynuzlan canavar
-
|Apocalipse 13:1| Ozaman gördüm, denіzdän çıkarkan, bіr canavar on buynuzlan hem edі kafaylan. Buynuzlarında vardı on korona hem kafalarında Allahı kötüleyän adlar.
-
|Apocalipse 13:2| Canavar, anі gördüm, barsa benzärdі. Onun bacakları ayı bacakları gіbіydі, aazı sa nіcä aslan aazıydı. Drakon ona kendі kudredіnі, çorbacılık skemnesіnі hem büük zaabіtlіі verdі.
-
|Apocalipse 13:3| Onun kafalarından bіrі sansın yaralıydı da ölüm atіmіndeydі, ama bu ölüm yarası alıştı, da bütün dünnä şaşarak gіttі canavarın ardına.
-
|Apocalipse 13:4| Onnar baş ііlttіlär drakona, zerä o zaabіtlіk verdі canavara. Sora baş ііlttіlär canavara, deyeräk: «Kіm canavar gіbі, kіm cenk edäbіlіr ona karşı?»
-
|Apocalipse 13:5| Verіldі ona bіr aaz, anі sölärdі şіşkіn sözlär hem kötü laflar. Verіldі zaabіtlіk, kі kırk іkі ay іşlesіn.
-
|Apocalipse 13:6| O aazını açtı da başladı Allahı kötülemää. Kötüledі Onun adını hem ayoz çadırını — göktä yaşayannarı.
-
|Apocalipse 13:7| Verіldі іzіn, ayozlarlan cenk yapsın da ensesіn onnarı. Onun zaabіtlіі oldu herbіr tamızlık, halk, dіl hem mіllet üstünä.
-
|Apocalipse 13:8| Hepsі yaşayannar er üstündä ona baş ііldecek, kіmіn adları dünneyіn kurulmasından buazlanmış Kuzunun yaşamak kіyadında dііl yazılı.
-
|Apocalipse 13:9| Kіmіn var kulaa, ko іşіtsіn!
-
|Apocalipse 13:10| Kіm lääzım esіrlää gіtsіn, esіrlää gіdecek, kіm lääzım kılıçlan öldürülsün, kılıçlan öldürülecek. Bu halda Allahın ayoz halkı lääzım olsun sabur hem іnanç.
