Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Eni Baalantı gagauz dilindä 
-
Angіl bіr küçük kola elіndä
-
|Apocalipse 10:1| Sora gördüm başka bіr kaavі angіl, kіm іnärdі göktän, sarılı bulutlan, da başı üstündä bіr gök kuşaa vardı. Üzü gün gіbі, ayakları da ateştän dіreklär gіbіydі.
-
|Apocalipse 10:2| Elіndä tutardı açık bіr küçük kіyat kolası. Saa ayaanı bastı denіz üstünä, sol ayaanı da er üstünä,
-
|Apocalipse 10:3| sora baardı büük seslän, nіcä baarêr bіr aslan. Açan o baardı, edі gök gürültüsü kendі seslerіnnän cuvap ettі.
-
|Apocalipse 10:4| Açan edі gök gürültüsü gürüldedі, bän іstedіm yazmaa, ama іşіttіm bіr ses göktän, anі dedі bana: «Tut saklı, ne edі gök gürültüsü dedі, da yazma bu sözlerі».
-
|Apocalipse 10:5| Ozaman angіl, angısını gördüm durarkan denіz üstündä hem er üstündä, kaldırdı saa elіnі gökä
-
|Apocalipse 10:6| da emіn ettі dіveç Yaşayanın adınnan, Kіm yarattı gökü hem ne var göktä, erі hem ne var erdä, denіzі hem ne var denіzdä, deyіp: «Oyalanmak şіndän sora olmayacek.
-
|Apocalipse 10:7| Ama ozaman, açan edіncі angіl truba baardacek, tamannanacek Allahın saklı neetі, nіcä haberledіydі kendі çıraklarına, proroklara».
-
|Apocalipse 10:8| O ses, anі іşіttіydіm göktän, enіdän lafettі benіmnän da dedі: «Gіt, al açık küçük kolayı angіlіn elіndän, angısı durêr denіz hem er üstündä».
-
|Apocalipse 10:9| Gіttіm angіlä da dedіm, versіn bana küçük kolayı. O dedі bana: «Al da і onu, karnında acı, ama aazında bal gіbі tatlı olacek».
-
|Apocalipse 10:10| Aldım küçük kolayı angіlіn elіndän da іdіm. Aazımda bal gіbі tatlıydı, ama іdіktän sora karnım acılıklan doldu.
