Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Мӱхӱрленмиш 144000 инсан
-
|Apocalipse 7:1| Бундан сора гӧрдӱм дӧрт ангил, ангылары дурардылар ерин дӧрт тарафында да тутардылар ерин дӧрт лӱзгерини, ки лӱзгӓр есмесин не ер ӱстӱнӓ, не дениз ӱстӱнӓ, не дӓ бир аач ӱстӱнӓ.
-
|Apocalipse 7:2| Сора гӧрдӱм башка бир ангил, ким калкты гӱндуусундан, ангысында варды дири Аллахын мӱхӱрӱ. О баарды бӱӱк сеслӓн дӧрт ангилӓ, ангыларына изин верилийди, кедерлесиннӓр ери хем денизи, дейип:
-
|Apocalipse 7:3| «Кедерлӓмейин не ери, не денизи, не дӓ фиданнары, биз Аллахымызын чыракларынын анныларына мӱхӱр коймайынӂа!»
-
|Apocalipse 7:4| Бӓн ишиттим мӱхӱрлӱ оланнарын сайысыны: мӱхӱрлӱ олду ӱз кырк дӧрт бин, хепси Израил оолларынын тамызлыкларындан.
-
|Apocalipse 7:5| Мӱхӱрлӱ олду Иуданын тамызлыындан — оники бин, Рувимин тамызлыындан — оники бин, Гадын тамызлыындан — оники бин,
-
|Apocalipse 7:6| Асирин тамызлыындан — оники бин, Неффалимин тамызлыындан — оники бин, Манассийанын тамызлыындан — оники бин,
-
|Apocalipse 7:7| Симеонун тамызлыындан — оники бин, Левийин тамызлыындан — оники бин, Иссахарын тамызлыындан — оники бин,
-
|Apocalipse 7:8| Зевулонун тамызлыындан — оники бин, Иосифин тамызлыындан — оники бин, Вениаминин тамызлыындан — оники бин.
-
|Apocalipse 7:9| Ондан сора бактым да гӧрдӱм бир бӱӱк сӱрӱ инсан, ангыларыны кимсей йокту насыл сайсын, хертӱрлӱ миллеттӓн, сенселедӓн, халктан хем дилдӓн, ангылары дурардылар чорбаӂылык скемнесинин хем Кузунун ӧнӱндӓ, бийаз рубаларлан гиийимни хем хурма даллары еллериндӓ.
-
|Apocalipse 7:10| Оннар бӱӱк сеслӓн баарардылар: «Куртулмак бизим Аллахтан, Ким отурэр чорбаӂылык скемнесиндӓ, хем Кузудан!»
