Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Бин йыл падишахлык
-
|Apocalipse 20:1| Гӧрдӱм бир ангил, ани гӧктӓн инӓрди. Онун елиндӓ варды дипсизлиин анатары хем бир бӱӱк синӂир.
-
|Apocalipse 20:2| О тутту дракону, евелки йыланы, ангысы — диавол хем шейтан, да баалады ону бин йыла.
-
|Apocalipse 20:3| Атты ону дипсизлӓӓ, сора, орайы капайып, ӱстӱнӱ мӱхӱрледи, ки шансора алдатмасын миллетлери бин йыл гечмейинӂӓ. Бундан сора о лӓӓзымды салверилсин бир парча вакыда.
-
|Apocalipse 20:4| Гӧрдӱм чорбаӂылык скемнелерини хем отураннары оннарын ӱстӱндӓ, ангыларына верилди заабитлик, даава йапсыннар. Гӧрдӱм инсаннарын ӂаннарыны да, ангыларын кафалары кесилмишти, зерӓ шаатлык едӓрдилӓр Иисус ичин хем насаат едӓрдилӓр Аллахын сӧзӱнӱ. Оннар ӂанавара хем онун идолуна баш иилтмемиштилӓр хем онун дамгасыны кенди анныларына хем еллеринӓ каблетмемиштилӓр. Оннар дирилдилӓр да падишахлык еттилӓр Христозлан барабар бин йыл.
-
|Apocalipse 20:5| Бу — илк дирилмӓк. Каланы ӧлӱлердӓн дирилмедилӓр, бин йыл таманнанмайынӂа.
-
|Apocalipse 20:6| Мутлу хем айоз оннар, кимин вар пайы илк дирилмектӓ. Оннарын ӱстӱнӓ икинӂи ӧлӱмӱн йок куведи. Оннар Аллахын хем Христозунпопазлары олаӂэклар да Онуннан падишахлык едеӂеклӓр бин йыл.
-
Шейтанын ӂезасы
-
|Apocalipse 20:7| Бин йыл таманнандыктан сора, шейтан зынданындан салверилеӂек
-
|Apocalipse 20:8| да чыкаӂэк, ки алдатсын миллетлери, ангылары ерин дӧрт тарафында йашээрлар — Гогу хем Магогу — да топласын оннары бирери ӂенк ичин. Оннарын сайысы денизин куму гиби.
-
|Apocalipse 20:9| Оннар чыктылар ерин хер тарафына да долайладылар Аллахын айоз халкынын лагарыны хем севгили касабайы. Ама гӧктӓн /Аллахтан/ атеш йаады да, оннары йакып, кӱл етти.
-
|Apocalipse 20:10| Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.
