Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
|Apocalipse 7:11| Хепси ангиллӓр дурдулар чорбаӂылык скемнесинин,аксакалларын хем дӧрт йаратыын долайында, ӱзӱкойну дӱштӱлӓр чорбаӂылык скемнесинин каршысында да баш иилттилӓр Аллаха, дейерӓк:
-
|Apocalipse 7:12| «Амин! Ии сӧз, метинник, аарифлик, шӱкӱр, икрам, кудрет хем кувет олсун бизим Аллаха дивечтӓн дивеӂӓ! Амин!»
-
|Apocalipse 7:13| Бириси аксакаллардан, данышып бана, сорду: «Буннар, ани гиийимни бийаз рубаларлан, кимдир оннар хем нередӓн гелдилӓр?»
-
|Apocalipse 7:14| «Чорбаӂы, — ӂувап еттим бӓн, — сӓн билерсин». О деди бана: «Буннар о бӱӱк зееттӓн гечип-геленнӓр. Оннар рубаларыны йыкадылар хем Кузунун каныннан бийазлаттылар.
-
|Apocalipse 7:15| Онуштан оннар булунэрлар Аллахын чорбаӂылык скемнесинин каршысында да измет едерлӓр Она геӂӓ-гӱндӱз ОнунАйоз бинасында . Чорбаӂылык скемнесиндӓ Отуран чадырыны оннарын ӱстӱнӓ гереӂек.
-
|Apocalipse 7:16| Оннар шиндӓн сора аӂыкмайаӂэк хем сусамайаӂэк, гӱнеш оннары чарпмайаӂэк, не дӓ бир башка кызгыннык.
-
|Apocalipse 7:17| Зерӓ Кузу, ани булунэр чорбаӂылык скемнесинин ортасында, оннары гӱдеӂек да гӧтӱреӂек йашамак суйунун сызынтыларына. Аллах силеӂек хер йашы оннарын гӧзлериндӓн».
