Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Lucas 8:1| Ca gudé da nigá, gudá Jesús zane' xe̱zre, ne xé̱zredu ca', dxusé̱dene̱', ne dxuchálaje̱' ca dxenná bea Dios. Benne' chazrinnu gubáz ca' zjácale̱ne̱' Le̱'.
-
|Lucas 8:2| Cá'anqueze zjácale̱ Le̱' bal-la nu'ula ca', benne' ca' bexune̱' le̱' ca naca xízrawe̱' chee̱', ne bebéaje̱' be' xriwe̱' ca' da zaj xu'e̱. Ládujla nu'ula ca' ziaj María Magdalena, nu'ula na' belexedxúaj gazre be' xriwe̱' lu xichaj lázrdawe̱'.
-
|Lucas 8:3| Ládujla le̱' zíajqueze Juana, zru'ula Chuza, benne' na' xu'u lu ne̱'e̱ da napa Herodes. Cá'anqueze ládujla le̱' ziaj Susana, na' zjaca nu'ula zandxa na', nu'ula ca' dxelácale̱ne̱' Jesús nen da zaj nape̱'. Da dxulé'e na ca naca chee̱ benne' dxaze̱' zrua' xtila
-
|Lucas 8:4| Benne' zan beledxúaje̱' lu xe̱zre ca' chee̱ xelelé'ene̱' Jesús, na' gate belezraga benne' zan naga zue̱', na' bchálaje̱' tu da dxulé'e na, dxe̱'e̱ le̱':
-
|Lucas 8:5| ―Tu benne' dxaze̱' guzé̱'e̱ zjaze̱' zrua' xtila. Ca zéaje̱' dxaze̱' na, bal-la bínnedu ca' xeajlechaze na dxu'a neza, na' benne' ca' bululéaje̱' na, na' belezrín bxínnedau' guláguba' na.
-
|Lucas 8:6| Xebal-la bínnedu ca' xeajlechaze na lu xiaj ca', na' gate bínnedu caní belezría na, chadite̱ gulebizre na, lawe' da quebe gudxé' gupa'.
-
|Lucas 8:7| Xebal-la bínnedu ca' xeajlechaze na naga zaj dxe' lue xeche', na' bululule xeche' ca' le̱ na.
-
|Lucas 8:8| Xebal-la bínnedu ca' xeajlechaze na lu xu be̱be, na' gate belegula na, na' gulezríale̱'e̱ na. Bal-la na gulezría na tu gaxúa weaj. Gate bexuzre bchalaj Jesús da nigá, na' gunné̱' zizraj: ―¡Che le'e zua nágale, le xene! Jesús dxenné̱' bizr chee̱ na' dxuchálaje̱' da dxululé'e na
-
|Lucas 8:9| Nadxa benne' ca' dxuse̱de Jesús gulenábene̱' Le̱' bizra zéaje̱ da dxulé'e nigá.
-
|Lucas 8:10| Jesús guzre̱' le̱': ―Dios dxuzéajni'ine̱' le'e ca naca da nagache chee̱ xel-la dxenná bea chee̱', san benne' xula, dxuchálajle̱na' le̱' da dxulé'e na caní, chee̱ gate dxelelé'ene̱' xelaque̱' ca benne' quebe dxelelé'ene̱', ne gate dxelenne̱' quebe dxeléajni'ine̱'. Jesús dxuxuzájle̱'e̱ da dxulé'e na ca naca chee̱ bénnea' dxaze̱'
