Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Lucas 3:1| Iza chinu' ca dxenná bea Tiberio, benne' dxenná be'e ca naca xe̱zr la xu, na' Poncio Pilato dxenná be'e̱ naga nababa Judea, na' Herodes dxenná be'e̱ naga nababa Galilea, na' Felipe, benne' biche Herodes, dxenná be'e̱ naga nababa Iturea, ne Traconite, na' Lisanias dxenná be'e̱ naga nababa Abilinia.
-
|Lucas 3:2| Na' Anás, ne Caifás zaj naque̱' bxruze blau. Ca lu zra na' Dios bchálajle̱ne̱' Juan, zri'ine Zacarías, naga zua Juan le̱'e̱ xixre' lawe' lataj.
-
|Lucas 3:3| Juan na' gudée̱' ca naca xé̱zredu ca' zaj nnitan' chalá'a weaj xe̱gu Jordán, na' dxe̱'e̱ benne' ca' dxal-la' xelexebí'i lazre̱', ne xeledxúe̱' nisa chee̱ gunite lau Dios chee̱ xtul-le'.
-
|Lucas 3:4| Caní guca ca na' gunná Isaías, benne' bchálaje̱' waláz chee̱ Dios, gunné̱':Nen tu chi'i bénnea' dxenné̱' zizraj le̱'e̱ xixre' lawe' lataj. Dxenné̱':Le gucueza neza naga te Xránadxu.Le xulí chawe' neza lase chee̱'.
-
|Lucas 3:5| Ca naca zrítudu ca' le xuzrá na.Ca naca xi'a ca', ne xí'adu ca' xelexaca na tu li.Neza xúca'du ca' xelexelí na.Neza da quebe nalí xelexaca na tu li.
-
|Lucas 3:6| Ca naca bénneache xelelé'ene̱' Benne' Weselá sel-la Dios.
-
|Lucas 3:7| Gate benne' ca' belezrine̱' lau Juan chee̱ xeledxúe̱' nisa, na' le̱' dxe̱'e̱ benne' ca': ―Xrtia be̱la snia. ¿Ble'e nu benne' le'e chee̱ cuásale ca naca xel-la dxezrá'a chee̱ Dios da ba za?
-
|Lucas 3:8| Le gun da gulé'e na ba bebí'i lázrele, ne quebe nnale lu lázrdaule: Nácantu' xrtia ljwezre Abraham. Neda' dxapa' le'e, Dios wazéquene̱' xexune̱' xiaj caní xrtia Abraham.
-
|Lucas 3:9| Xa waga ba de̱ cuásate̱ na chee̱ chugue̱' xaga ca', na' xúgute̱ xaga da quebe dxelebía na da zixre chawe' welechugue na, na' xuluzré̱'e̱ na lu xi'.
-
|Lucas 3:10| Nadxa benne' ca' buluche̱be̱' le̱': ―¿Bi dxal-la' guntu'?
