Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Lucas 8:21| Jesús guzre̱' le̱': ―Benne' ca' dxelenne̱' xrtizra' Dios, ne dxelune̱' ca dxenná na, benne' caní zaj naque̱' ca xrna'a, ne benne' bícha'dau' ca'. Jesús dxuzúa zrie̱' be' bdunu', ne xeajxruza chee̱ nísadau'
-
|Lucas 8:22| Tu zra guxú'u Jesús tu lu da dxedá lawe' nísadau' nen benne' ca' dxusé̱dene̱', na' guzre̱' le̱': ―Cheajdxu xecha la'a nísadau'. Na' gusiá'que̱',
-
|Lucas 8:23| ne dxácate̱ zjaque̱' lu nísadau' na', guse Jesús. Na' guzú lau dxácale̱'e̱ be' bdunu' lu nísadau', na' guzú lau dxu'u nisa lu da dxedá lawe' nísadau' na', ne ba dxácate̱ waxaze na lu nísadau'.
-
|Lucas 8:24| Nadxa bulusebane̱' Jesús, dxelé̱'e̱ Le̱': ―¡Benne' Wese̱de! ¡Benne' Wese̱de! ¡Ba dxázedxu lu nisa nigá! Nadxa guxasa Jesús, na' gudil-le̱' be' bdunu' na', ne nisa na', na' ca naca da ca' belezúa zri na.
-
|Lucas 8:25| Nadxa Jesús guzre̱' benne' ca' dxusé̱dene̱': ―¿Quebe ne chéajle̱le chee̱ Dios? Benne' ca' belezrebe̱', ne belexebánene̱', na' buluche̱be ljwezre̱': ―¿Núzraqueze benne' nigá, dxenná bé'ene̱' be', ne nisa, na' dxuluzúa na dizra' chee̱'? Tu benne' Gadara xu'e̱ be' xriwe̱'
-
|Lucas 8:26| Nadxa belezrine̱' xecha la'a nisa lu xe̱zr la xu chee̱ xe̱zre Gadara, chalá'a ca'ala chee̱ Galilea.
-
|Lucas 8:27| Gate bedxúaj Jesús lu da dxedá lawe' nísadau' na', na' bzrin tu benne' xe̱zre na' lau Le̱'. Zánete̱ iza ba guca xu'u be' xriwe̱' ca' benne' nigá. Quebe gúcue̱' zra lane̱', ne quebe guzúe̱' netú lu xu'u, san xeajchu'e̱ tu lu ba ca'.
-
|Lucas 8:28| Gate blé'ene̱' Jesús, na' xeajzú zribe̱' lau Le̱', na' gudxezre xe̱'e̱, dxenné̱': ―¿Bizr chee̱ na' za'u naga zua', Jesús, Zri'ine Dios szrente̱? Dxata' xueda' Lue' quebe gusaca zi'u neda'.
-
|Lucas 8:29| Gunná na caní lawe' da ba gunná be'e Jesús be' xriwe̱' ca' xelexedxúaj na lu xichaj lázrdau benne' nigá. Zane' lasa be' xriwe̱' ca' ba gule̱la na benne' nigá. Benne' xe̱zre na' gule̱le̱' benne' nigá, ne buluchéaje̱' le̱' ni'a ne̱'e̱ nen du xia, san le̱' bzúzxuje̱' du xia na', na' be' xriwe̱' ca' guleché̱ na le̱' le̱'e̱ xixre' lawe' lataj.
-
|Lucas 8:30| Jesús bche̱be̱' be' xriwe̱' ca': ―¿Bi le̱le? Na' beche̱be le̱ na: ―Neda' lea': Da Zan. Ca' gunná na lawe' da xu'u be' xriwe̱' zante̱ benne' na'.
