Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
САҤА КЭС ТЫЛ 
-
|Apocalipsis 4:1| Бу кэнниттэн көрбүтүм, арай халлааҥҥа аан аһыллан турара. Били урут истибит турба дорҕоонун санатар саҥам эмиэ иһиллэн: «Манна үөһэ таҕыс, бу кэнниттэн туох буолуохтааҕын эйиэхэ көрдөрүөм», – диэн ыҥырбыта.
-
|Apocalipsis 4:2| Сонно миэхэ Сибэтиэй Тыын сайбытыгар, мин халлааҥҥа бүрүстүөл турарын уонна ол бүрүстүөлгэ Ким эрэ олорорун көрбүтүм.
-
|Apocalipsis 4:3| Бүрүстүөлгэ Олорооччу яспис уонна сардис сарыалынан сыдьаайа сырдыыра, бүрүстүөлү тула кустук түһэн изумруд өҥүнэн суһумнуура.
-
|Apocalipsis 4:4| Көрдөхпүнэ, тулатыгар өссө сүүрбэ түөрт бүрүстүөл турара, ол бүрүстүөллэргэ сүүрбэ түөрт ытык кырдьаҕас олороро. Кинилэр үрүҥ таҥастаахтара, төбөлөрүгэр кыһыл көмүс мэнньиэстээхтэрэ.
-
|Apocalipsis 4:5| Бүрүстүөлтэн чаҕылҕан чаҕылыйара, этиҥ этэрэ, саҥа-иҥэ иһиллэрэ. Бүрүстүөл иннигэр Таҥара сэттэ тыына буолар сэттэ сибэтиинньик умайа турара,
-
|Apocalipsis 4:6| курустаал курдук дьэп-дьэҥкир өстүөкүлэ муора килбэйэ сытара; бүрүстүөл ортотугар да, тулатыгар да – иннигэр-кэннигэр элбэх харахтаах түөрт харамай баара.
-
|Apocalipsis 4:7| Бастакы харамай хахайга, иккис харамай оҕуска майгынныыра, үһүс киһи курдук сирэйдээҕэ, төрдүс көтөн иһэр хотойу санатара.
-
|Apocalipsis 4:8| Бу түөрт харамай биирдии бэйэлэрэ эргиччи алталыы кынаттаахтара, ис өттүлэрэ бүтүннүү харах этэ. Кинилэр түүннэри-күннэри тохтоло суох: «Билигин да баар, урут да баар, кэлиэхтээх Айыы Тойон Таҥара, Барытын Тутан Олорооччу – сибэтиэй, сибэтиэй, сибэтиэй!» – диэн ыллыыллара.
-
|Apocalipsis 4:9| Харамайдар бүрүстүөлгэ Олорооччуну, үйэлэр тухары Тыыннааҕы айхаллаан, ытыктаан туран махтанан ыллаатахтарына,
-
|Apocalipsis 4:10| сүүрбэ түөрт ытык кырдьаҕас бүрүстүөлгэ Олорооччу иннигэр сөһүргэстии түһэн үйэлэр тухары Тыыннаахха сүгүрүйэллэрэ уонна мэнньиэстэрин устан бүрүстүөл иннигэр уура-уура этэллэрэ:
