Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
САҤА КЭС ТЫЛ 
-
|Apocalipsis 19:1| Бу кэнниттэн халлааҥҥа үтүмэн үгүс киһи саҥатын санатар ньиргиэрдээх саҥа дуораана иһиллибитэ: «Аллилуйя! Таҥарабыт биһигини быыһаата! Кини албан ааттаах, сүҥкэн күүстээх!
-
|Apocalipsis 19:2| Дьүүллүүр дьүүлэ дьиҥ сөптөөх, кырдьыктаах: содурунан сир үрдүн сатарыппыт улуу содур дьахтары дьүүллээтэ, кулуттарын хаанын иэстэстэ!»
-
|Apocalipsis 19:3| Иккистээн эмиэ: «Аллилуйя! Содур дьахтар умайбыт уотун буруота үйэлэр тухары өрө устар!» – диэбиттэрэ.
-
|Apocalipsis 19:4| Онуоха сүүрбэ ордугуна түөрт ытык кырдьаҕас уонна түөрт харамай сөһүргэстии түһэн: «Аминь! Аллилуйя!» – дии-дии, бүрүстүөлүгэр олорор Таҥараҕа сүгүрүйбүттэрэ.
-
|Apocalipsis 19:5| Бүрүстүөлтэн: «Таҥарабытын кулуттара бука бары – Киниттэн толлооччулар, кыра да, улуу да барыта – айхаллааҥ!» – диир саҥа дуораһыйбыта.
-
|Apocalipsis 19:6| Онуоха дохсун уу тыаһыгар, күүстээх этиҥ ньиргиэригэр холоонноох үтүмэн үгүс киһини санатар саҥаны истибитим: «Аллилуйя! Айыы Тойон Таҥара #542, Барытын Тутан Олорооччу салайар кэмэ кэллэ!
-
|Apocalipsis 19:7| Үөрүөҕүҥ-көтүөҕүҥ, өрөгөйдүөҕүҥ, Киниэхэ уруй-айхал этиэҕиҥ! Агнец уруу күнэ үүннэ, кэргэнэ бэлэм буолла.
-
|Apocalipsis 19:8| Сүктэр кыыс кэтэригэр ып-ыраас, сып-сырдык күндү лүөн таҥас бэрилиннэ». (Күндү лүөн таҥас – сибэтиэйдэр кырдьыктаах быһыылара.)
-
|Apocalipsis 19:9| Онтон Аанньал миэхэ: «Сурун: Агнец уруутун малааһыныгар ыҥырыллыбыттар – алгыстаахтар!» – диэбитэ. Итиэннэ өссө эппитэ: «Бу – Таҥара дьиҥ кырдьыктаах тыла».
-
|Apocalipsis 19:10| Сүгүрүйээрибин атаҕар бокулуоннуу түспүппэр: «Кэбис, итинник гыныма, – диэбитэ. – Мин эмиэ эйигин да, Иисуһу кэрэһиттиир бырааттаргын да кытта бииргэ сулууспалыыбын. Иисуһу кэрэһиттээһин – Таҥара этэрин дьоҥҥо биллэрии тыына, онон Таҥараҕа сүгүрүй».
