Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
САҤА КЭС ТЫЛ 
-
|Apocalipsis 13:1| Мин муора кумах кытылыгар турбутум #537 . Ол туран көрдөхпүнэ, арай муораттан сэттэ бастаах, уон муостаах кыыл тахсан иһэрэ: муоһун аайы биирдии кыра хоруоналааҕа, баһын аайы Таҥараны холуннарар ааттааҕа.
-
|Apocalipsis 13:2| Бу көрбүт кыылым леопард курдук көрүҥнээх, эһэ курдук атахтаах, хахайдыы айахтаах этэ; садаҕа моҕой киниэхэ бэйэтин күүһүн, бүрүстүөлүн, улуу былааһын биэрбитэ.
-
|Apocalipsis 13:3| Көрдөхпүнэ, кыыл биир баһа өлөрдүү бааһырбыт курдук этэ да, ол бааһа мүлүрүччү оспута; онон сир үрдэ бүтүннүүтэ сөҕөн-махтайан кыылы батыспыта уонна киниэхэ былаас биэрбит садаҕа моҕойго сүгүрүйбүтэ.
-
|Apocalipsis 13:4| Кинилэр: «Кыылга холоонноох ким баарый, ким кинилиин күөн көрсөр кыахтааҕый?» – дии-дии кыылга эмиэ сүгүрүйбүттэрэ.
-
|Apocalipsis 13:5| Кыыл Таҥараны холуннаран улуутумсуйан саҥарара көҥүллэммитэ, киниэхэ түөрт уон икки ый устата дьайар былаас бэриллибитэ.
-
|Apocalipsis 13:6| Онон кини Таҥара аатын, Таҥара олорор эйгэтин итиэннэ Халлааҥҥа олохтоохтору баһааҕырдар санааттан Таҥараны холуннаран киирэн барбыта.
-
|Apocalipsis 13:7| Киниэхэ сибэтиэйдэри кытта сэриилэһэн кыайар көҥүл уонна хас биирдии биис ууһун, норуоту, тылы, омугу барытын баһылыыр былаас бэриллибитэ.
-
|Apocalipsis 13:8| Сир дьоно барыта, аан дойду айыллыан инниттэн толук буоларга анаммыт Агнецка баар Олох Кинигэтигэр аата-суола киирбэтэх хас биирдии киһи – бу кыылга сүгүрүйүөҕэ.
-
|Apocalipsis 13:9| Ким истэр кулгаахтаах иһиттэҕэ буолуохтун:
-
|Apocalipsis 13:10| ким билиэн ылар – бэйэтэ билиэн барыаҕа, ким болотунан өлөрөр – бэйэтэ болоттон өлүөҕэ #538 . Бу – сибэтиэйдэри улуу тулуурга, итэҕэлгэ ыҥырыы.
