Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Jeremías 48:11|Яшлыгъындан берли Моав къасеветсиз эди, боткъасыны къыбырдатмагъан, савуттан савуткъа тёкюльмеген шарап киби эди, сюргюнликке кетмеди. Онынъ ичюн дадыны джоймады, къокъусы бозулмады.
-
|Jeremías 48:12|— Лякин, бакъынъыз, — дей РАББИ, — ойле куньлер келеята ки, оны тёкеджек адамларны ёллайджагъым. Онынъ савутларыны бошатаджакълар, бардакъларыны парлайджакълар.
-
|Jeremías 48:13|Ишангъан Бет-Эль шеэри ичюн Исраиль халкъы насыл масхара олгъан олса, Моав да Кемош алласы ичюн ойле масхара оладжакъ.
-
|Jeremías 48:14|Сизлер бошуна: «Бизлер кучьлю аскерлер, дженкке азыр адамлармыз», — айтасынъыз.
-
|Jeremías 48:15|Моав йыкъылды, шеэрлерине уджюм этильди, энъ яхшы йигитлери къурбан кетти, — дей Падиша, Ады — Ордуларнынъ РАББИсидир.
-
|Jeremías 48:16|Моав якъында гъайып оладжакъ, белялар онъа ашыкъып якъынлаша!
-
|Jeremías 48:17|Къомшуларынынъ эписи ве адыны таныгъан эр кес, агъланъыз! «Къудрет таягъы, шуретли аса парчаланды», — денъиз.
-
|Jeremías 48:18|Эй, Дивон шеэринде яшагъан къыз! Шуретли еринъден тюш, къуру топракъ устюнде отур; Моавны ёкъ этиджи санъа келеджек, къалелеринъни йыкъаджакъ.
-
|Jeremías 48:19|Эй, Ароэрде яшагъан къыз! Ёл кенарында тур да бакъ! Къачкъан адамдан, къуртулгъан союндан: «Не олды?» — деп сора.
-
|Jeremías 48:20|Моав масхара олды, харапланды. Аджджы-аджджы агъланъыз, Моавнынъ йыкъылгъаны акъкъында Арнон вадийинде илян этинъиз.
