Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Jeremías 39:1| Цидкия докъузынджы йыл Ехудада падишалыкъ эткенде, онунджы айында Вавилон падишасы Невукъаднеццар бутюн ордусынен Ерусалимге кельди ве оны сарып алды.
-
|Jeremías 39:2| Цидкия падишанынъ 11-инджи йылында, дёртюнджи айнынъ докъузынджы кунюнде шеэр запт этильди.
-
|Jeremías 39:3| Вавилон падишасынынъ эписи башлыкълары Ерусалимге кирип, Орта Къапунынъ янында ерлештилер. Анда Нергъал-Сар-Эцер, Самгъар-Нево, баш везир Сар-Секим, сераскер Нергъал-Сар-Эцер ве эписи къалгъан башлыкълар бар эдилер.
-
|Jeremías 39:4| Ехуданынъ падишасы Цидкия ве эписи аскерлер оларны корип, къачтылар, геджесинен падишанынъ багъчасындан эки дивар арасындаки къапудан кечип, Арава ёлунен кеттилер.
-
|Jeremías 39:5| Амма къасдийлилернинъ ордусы оларнынынъ артындан къувалады ве Ерихон тегизликлеринде Цидкиянынъ артындан еттилер. Оны тутып, Вавилон падишасы Невукъаднеццаргъа, Ривла шеэрине, Хамат ерине алып кетирдилер. Анда Невукъаднеццар оны суд этти.
-
|Jeremías 39:6| Вавилоннынъ падишасы Ривла шеэринде, Цидкиянынъ козьлери огюнде огъулларыны ольдюрди, эписи ехудалы мырзаларыны да сойды.
-
|Jeremías 39:7| Цидкиянынъ козьлерини ойды, Цидкияны бакъыр зынджырнен багълап, Вавилонгъа алып кетти.
-
|Jeremías 39:8| Къасдийлилер падишанынъ эвини ве халкънынъ эвлерини якътылар, Ерусалимнинъ диварларыны йыкътылар.
-
|Jeremías 39:9| Къаравулларнынъ башлыгъы Невузарадан шеэрде сагъ къалгъан халкъны, онынъ тарафына кечкенлерни ве башкъа адамларны Вавилонгъа сюргюн этти.
-
|Jeremías 39:10| Бир шейлери олмагъан халкътан чыкъкъан фукъарелерни исе къаравулларнынъ башлыгъы Невузарадан Ехуда топрагъында къалдырды, эм де оларгъа юзюмликлерни ве тарлаларны берди.
