Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Jeremías 3:1|— «Бир адам апайыны къуваласа, о да кетип, башкъасынынъ апайы олса, биринджи акъайы апайына къайтармы?» — дейлер. Мемлекет бундан арам олмаз эдими? Сен бир чокъ ойнашларынънен ороспуландынъ, лякин кене де Манъа къайт! — дей РАББИ.
-
|Jeremías 3:2|Бош тёпелерге бакъ да корь, сеннен ороспуланмагъан ер къалдымы? Сахрада отургъан араплар киби, ёл четинде оларны беклеп отура эдинъ, орталыкъны ороспулыгъынъ ве яманлыгъынънен арамладынъ.
-
|Jeremías 3:3|Онынъ ичюн ягъмурлар кесильди, баарь ягъмуры да ягъмады. Сенинъ бетинъ — ороспунынъ бетидир, ич де утанмадынъ-арланмадынъ.
-
|Jeremías 3:4|Энди кене де Манъа ялварып: «Бабачыгъым! Яшлыгъымдан берли сен ишанчлы ёлдашым эдинъ!
-
|Jeremías 3:5|Даима ачувланаджакъсынъмы, аджеба? Гъазабынъ эбедий сюреджекми?» — демейджексинъми? Лафынъ бойле, амма хиянетлик эп япа бересинъ.
-
|Jeremías 3:6| Ёшия падишалыкъ эткенде, РАББИ манъа бойле деди: — Имансыз Исраиль къызы нелер эткенини корьдинъми? Эр юксек байыргъа котерилип, эр даллы терек тюбюне барып, анда ороспулыкъ этти.
-
|Jeremías 3:7| Буларны япкъанындан сонъ, Мен: «Манъа къайт», — дедим, амма о къайтмады. Хаин къызкъардашы Ехуда буны корьди.
-
|Jeremías 3:8| Имансыз Исраиль къызынынъ ороспу арекетлери ичюн, Мен оны йибердим, айырылышув мектюбини бердим. Хаин къызкъардашы Ехуда ич къоркъмады, лякин кетип, озю ороспулыкъ этип башлады. Мен буны корьдим.
-
|Jeremías 3:9| Ачыкъ-айдын ороспулыгъындан мемлекет харап олды; эм ташларгъа, эм тереклерге ибадет этип, о, ороспулана эди.
-
|Jeremías 3:10| Бунъа бакъмадан, хаин къызкъардашы Ехуда юректен дегиль де, алдавнен Манъа къайтты, — дей РАББИ.
