Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Jeremías 1:1| Йирмеянынъ сёзлери. Хилкия руханийнинъ огълу олып, о, Биньяминнинъ топрагъындан, Анатот шеэринден эди.
-
|Jeremías 1:2| Амоннынъ огълу Ёшия Ехудагъа он учюнджи йылы падишалыкъ эткенде, РАББИ Йирмеягъа Озь хаберлерини берип башлады.
-
|Jeremías 1:3| Сонъра, Ёшиянынъ огълу Ехояким Ехудагъа падишалыкъ эткенде, тап Ёшиянынъ огълу Цидкия Ехудагъа падишалыкъ эткенининъ он биринджи йылына, бешинджи айына, яни Ерусалим халкъынынъ сюргюн этильгенине къадар, Рабби Йирмеягъа хаберлер бере эди.
-
|Jeremías 1:4| РАББИ манъа бойле айтты:
-
|Jeremías 1:5| — Сени ана къурсагъында яратмагъанымдан эвель, сени сайладым. Сен догъмаздан эвель, Мен сени айырып элялладым, халкъларгъа пейгъамбер оларакъ къойдым.
-
|Jeremías 1:6| — РАББИ-ТААЛЯ! Лаф этмеге уста дегилим, мен пек яшым! — дедим.
-
|Jeremías 1:7| РАББИ исе: — «Мен пек яшым» деме, — деди манъа. — Сени кимге ёлласам, эр кеске бараджакъсынъ, санъа бутюн буюргъанларымны айтаджакъсынъ.
-
|Jeremías 1:8| Олардан къоркъма. Мен сенинъ янынъда оладжагъым ве олардан къуртараджагъым, — деди РАББИ.
-
|Jeremías 1:9| Сонъ РАББИ къолуны узатып, агъзыма тийдирди ве манъа: — Иште, агъзынъа сёзлеримни къойдым, — деди.
-
|Jeremías 1:10| — Бакъ, бугунь Мен сени халкълар ве падишалыкъларнынъ устюне къойдым. Сен тюбю-темелинден къыраджакъсынъ ве бозаджакъсынъ, ёкъ этеджексинъ ве йыкъаджакъсынъ, къураджакъсынъ ве сачаджакъсынъ.
