Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Jeremías 2:21|Мен сени сачкъанда, сен энъ яхшы юзюм пытагъы, тер-темиз урлукъ эдинъ. Насыл этип, Меним огюмде кийик юзюм пытагъына чевирильдинъ?
-
|Jeremías 2:22|Сабуннен ювунсанъ да, башкъа темизлейджек шей къуллансанъ да, къабаатынъ огюмде къара леке киби олды, — дей РАББИ-ТААЛЯ.
-
|Jeremías 2:23|«Мен арамланмадым, Баал путларынынъ артындан юрмедим», — айтаджакъсынъмы? Вадийде озюнъни насыл туткъанынъны бакъ да, не япкъанынъны анъла. Сен анда-мында урулгъан ойнакъ бир деве киби олдынъ,
-
|Jeremías 2:24|чёльде оськен эшекке ошадынъ: джаны истекнен янгъанда, эшек агъзынен нефес ала. Ким оны тутып олур? Оны къыдыргъан эр кес болдурмаз, чифтлешме заманында оны тапар.
-
|Jeremías 2:25|Ялынаякъ юрмектен сакъын, сувсузлыкътан богъазынъны сакъла 1. Амма сен: «Э-эй, эписи джоюлып кетсин! Ябанджы аллаларны севем, оларнынъ артындан кетеджегим», — дединъ.
-
|Jeremías 2:26|— Тутулгъан хырсыз насыл масхара олса, Исраиль эви де: исраиллилер, падишалары, башлыкълары, руханийлери ве пейгъамберлери де масхара олды.
-
|Jeremías 2:27|Олар терекке: «Сен бабамсынъ», ташкъа: «Сен мени догъурдынъ», — дейлер. Манъа юзьлерини дегиль, аркъаларыны чевирдилер. Амма башларына беля тюшкенде, олар: «Тур да, бизни къуртар», — деп ялварырлар.
-
|Jeremías 2:28|Къана, озьлеринъизге япкъан аллаларынъыз къайда? Беля кельгенде, сизни къуртарып олсалар, айды, турсунлар! Шеэрлеринъиз не къадар олса, о къадар аллаларынъыз да бар, эй, Ехуда!
-
|Jeremías 2:29|Сизге Меннен дава этмеге не керек? Манъа къаршы эпинъиз чыкътынъыз, — дей РАББИ.
-
|Jeremías 2:30|— Балаларынъызны бошуна джезаладым, олар тербиелеримни огренмедилер. Йыртыджы арслан киби, къылычларынъызнен пейгъамберлеринъизни ольдюрдинъиз.
