Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Juan 5:11| — Мени тедавийлеген адам манъа: «Тёшегинъни алып бар», — деди, — джевап берди о адам.
-
|Juan 5:12| — «Тёшегинъни алып бар», — деген адам ким? — деп сорадылар олар ондан.
-
|Juan 5:13| Сагъ олгъан адам исе Онынъ ким олгъаныны бильмей эди. О ерде халкъ чокълугъы себебинден Иса андан кимсеге дуйдурмайып кеткен эди.
-
|Juan 5:14| Сонъ Иса о адамны Алланынъ Сарайында тапты. — Мына, сен сагъ олдынъ. Энди гуна япма, ёкъса санъа даа да бетер шей оладжакъ, — деди онъа.
-
|Juan 5:15| Бу адам барып, еудийлерге оны тедавийлеген Иса олгъаныны бильдирди.
-
|Juan 5:16| Бунынъ ичюн еудийлер Исаны къувалап башладылар, чюнки О, бойле ишлерни раатлыкъ кунюнде япа эди.
-
|Juan 5:17| Амма Иса оларгъа шойле деди: — Меним Бабам шимдигедже чалыша, Мен де чалышам.
-
|Juan 5:18| Шунынъ ичюн еудийлер Исаны ольдюрмек ичюн, даа чокъ арекет эте башладылар, чюнки Иса раатлыкъ кунюни бозгъанындан гъайры Аллагъа «Бабам» дей эди ве шунынънен Озюнинъ Аллагъа тенъ олгъаныны косьтере эди.
-
|Juan 5:19| Иса еудийлерге къаршы чыкъып, шай деди: — Сизге керчектен догърусыны айтам: Огъул Бабасынынъ япкъан ишлерини корьмегендже, Озю ич бир шей япалмаз. Бабасы не япса, Огълу да тамам шу шейлерни япа.
-
|Juan 5:20| Баба Огълуны севе ве Огълуна Озю япкъан эр шейни косьтере. О, сизни шашыртып, бундан да буюк шейлерни косьтереджек.
