Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Apocalipsis 21:1| Ондан сонъ мен янъы бир кок ве янъы бир ерни корьдим. Эвельки ер ве кок гъайып олды. Денъиз энди ёкъ эди.
-
|Apocalipsis 21:2| Мен мукъаддес шеэрни, янъы Ерусалимни корьдим. Киеви алдына безенип чыкъаяткъан келин киби, шеэр коктен, Алланынъ огюнден эне эди.
-
|Apocalipsis 21:3| Мен тахттан кельген кучьлю бир сесни эшиттим, о бойле деди: — Энди Алланынъ мекяны адамларнынъ арасында оладжакъ, Алла адамларнен берабер яшайджакъ. Олар Алланынъ халкъы оладжакъ, ве Алла Озю, оларнынъ Алласы, оларнынъ арасында булунаджакъ.
-
|Apocalipsis 21:4| Алла оларнынъ козюндеки эр бир козьяшны силеджек, ве энди олюм олмайджакъ. Гъам да, агълав да, агъры да олмаз. Эвельки шейлер кечип кетти.
-
|Apocalipsis 21:5| Тахтта Отургъан: — Мен эр шейни янъы этип яратам! — деди. Сонъ манъа: — Буны язып къой, бу сёзлер ишанчлы ве акъикъийдир! — деди.
-
|Apocalipsis 21:6| Сонъ манъа бакъып, деди: — Эр шей ерине кельди! Мен — Альфа ве Омега, эр шейнинъ Башы ве Сонъу. Сувсагъан адамгъа яшайыш чокърагъындан бедава сув берерим.
-
|Apocalipsis 21:7| Енъеджек адам эр шейни аладжакъ. Мен онынъ Алласы олурым, ве о, Меним огълум олур.
-
|Apocalipsis 21:8| Амма къоркъакъ, имансыз, игренч, адамларны ольдюрген, ороспу, джады, путперест ве бутюн яланджыларнынъ къысмети — атеш ве кукюрт янгъан гольдедир. Бу, экинджи олюмдир.
-
|Apocalipsis 21:9| Сонъ алдыма сонъки еди белягъа толдурылгъан еди пиаланы туткъан еди мелектен бири кельди ве меннен лаф этип: — Бакъ, санъа Къозугъа келин оладжакъ къадынны косьтереджем, — деди.
-
|Apocalipsis 21:10| Мелек меним рухумны юксек балабан бир дагъгъа алып чыкъты ве манъа мукъаддес Ерусалим шеэрини косьтерди. О, коктен, Алланынъ огюнден энеята эди.
